Loksabha_Election_2024 : 6 जानेवारीपासून एकनाथ शिंदे शिवसंकल्प प्रचारावर 48 जागांना भेट देणार

2024 मध्ये होणाऱ्या लोकसभा निवडणुकीची उत्सुकता आणखीनच वाढत आहे. सर्वच राजकीय पक्ष निवडणुकीच्या तयारीत व्यस्त असल्याचे दिसून येत आहे. दरम्यान, महाराष्ट्राचे मुख्यमंत्री एकनाथ शिंदे यांनी गुरुवारी केलेल्या घोषणेने शिवसेनेच्या लोकसभा निवडणुकीच्या प्रचाराला वेग आला आहे. वास्तविक, मुख्यमंत्री शिंदे यांनी ‘शिवसंकल्प अभियाना’अंतर्गत राज्यातील 48 लोकसभा मतदारसंघांचा दौरा करणार असल्याचे सांगितले आहे.

कार्यकर्त्यांना लोकसभा निवडणुकीच्या तयारीला लागण्याच्या सूचना

मुख्यमंत्री एकनाथ शिंदे यांनी व्हिडीओ कॉन्फरन्सद्वारे कार्यकर्त्यांशी संवाद साधताना लोकसभा निवडणुकीच्या तयारीला लागण्यास सांगितले आहे. 2024 च्या पूर्वार्धात लोकसभेच्या निवडणुका होणार आहेत. अशा स्थितीत सत्ताधारी आघाडी किंवा महायुतीच्या उमेदवारांचा प्रचार करण्याचे निर्देश मुख्यमंत्री शिंदे यांनी कार्यकर्त्यांना दिले.

या आघाडीत शिवसेनेशिवाय भारतीय जनता पक्ष आणि राष्ट्रवादी काँग्रेस पक्ष (अजित पवार गट) यांचाही समावेश आहे. एकनाथ शिंदे म्हणाले, “यवतमाळ-वाशिम मतदारसंघातून ६ जानेवारीपासून शिवसंकल्प मोहिमेला सुरुवात होणार आहे. पुढील महिन्यात शिंदे राज्यातील आणखी 15 मतदारसंघांना भेट देणार आहेत.

या लोकसभा मतदारसंघांना मुख्यमंत्री एकनाथ शिंदे भेट देणार आहेत

• ६ जानेवारीला यवतमाळ, वाशीम आणि रामटेकमध्ये रॅली.
• 8 जानेवारी रोजी अमरावती आणि बुलढाणा
• 10 जानेवारी रोजी हिंगोली आणि धाराशिव
• 11 जानेवारी रोजी परभणी आणि संभाजीनगर
• 21 जानेवारी रोजी शिरूर आणि मावळ
• 24 जानेवारी रोजी रायगड, रत्नागिरी, सिधुदुर्ग
• 25 जानेवारी रोजी शिर्डी आणि नाशिक
• 29 जानेवारी रोजी कोल्हापूर हातकणंगले

सीएम शिंदे यांची सत्ता आल्यानंतरची पहिली लोकसभा निवडणूक

यावेळची लोकसभा निवडणूक मुख्यमंत्री एकनाथ शिंदे यांच्यासाठी अत्यंत महत्त्वाची ठरणार आहे. महाराष्ट्रात सत्तेवर आल्यानंतर मुख्यमंत्री शिंदे यांची ही पहिलीच लोकसभा निवडणूक आहे. गेल्या लोकसभा निवडणुकीत भाजप महाराष्ट्रातील सर्वात मोठा पक्ष म्हणून समोर आला होता.

लोकसभेच्या 48 जागांपैकी भाजपने 23 तर अविभाजित शिवसेनेने 18 जागा जिंकल्या होत्या. अशा स्थितीत शिवसेना यावेळी किती जागा जिंकते हे पाहणे औत्सुक्याचे ठरणार आहे.

Loksabha_Election_2024 : महाविकास आघाडीच्या पहिल्या फॉर्म्युल्याची चर्चा शिवसेना 23 जागांवर ठाम

दिवसभरातील ताज्या आणि महत्त्वाच्या घडामोडी :  www.mahanayakonline.com

दिवसभरातील ताज्या News Update | Join with Mahanayak Online :

https://chat.whatsapp.com/KHZm2husxzD6XiBY0eBBnZ

MahanayakOnline
www.mahanayakonline.com

For advertising call now :
9421379055 | 9028150765