देश आणि संविधान वाचवयाचे आहे मात्र “आप”ला राहुल गांधी याच्याकडे विरोधी पक्षाचे नेतृत्व नकोय …
नवी दिल्ली : दिल्लीत केंद्राच्या अध्यादेशाविरोधात विरोधी पक्षांचा पाठिंबा मागणाऱ्या आम आदमी पक्षाने (आप) काँग्रेसचे माजी अध्यक्ष राहुल गांधी यांच्यावर निशाणा साधला आहे. काँग्रेसने राहुल गांधींना तिसऱ्यांदा नेता म्हणून प्रोजेक्ट करू नये, असे पक्षाचे म्हणणे आहे. ‘आप’च्या प्रवक्त्या प्रियंका कक्कर यांनी ट्विटद्वारे ही माहिती दिली आहे.
त्यांनी ट्विटमध्ये लिहिले की, “देश वाचवायचा असेल, तर सर्वप्रथम काँग्रेसने सांगावे की ते तिसऱ्यांदाही राहुल गांधींवर बाजी लावणार नाहीत आणि संपूर्ण विरोधकांवर हा दबाव आणणार नाहीत. देशाच्या हिताच्या दृष्टीने त्यांचे नेतृत्व संविधान वाचवण्यापेक्षा वर नाही . बिहारच्या पाटणा येथे झालेल्या विरोधी पक्षांच्या बैठकीनंतर प्रियंका कक्करचे हे ट्विट समोर आले आहे. ज्यामध्ये आपने आपली भूमिका स्पष्ट केली आणि म्हटले की जर काँग्रेसने संसदेत दिल्ली अध्यादेशाला विरोध केला नाही तर ते काँग्रेसच्या नेतृत्वाखालील विरोधी पक्षाचा भाग बनणार नाही.
अगर देश बचाना है तो सबसे पहले कांग्रेस को बोल देना चाहिए की वो तीसरी बार भी Rahul Gandhi पर दाव नहीं लगायेंगे और समूचे विपक्ष पर ये दबाव नहीं डालेंगे। देश हित में ये संविधान बचाने से भी ऊपर है।
— Priyanka Kakkar (@PKakkar_) June 24, 2023
विरोधकांच्या बैठकीत दिल्ली अध्यादेशाचा मुद्दा
बिहारचे मुख्यमंत्री नितीश कुमार यांच्या अध्यक्षतेखाली शुक्रवारी (२३ जून) भाजपच्या विरोधात एकजूट करण्यात गुंतलेल्या विरोधी पक्षांची बैठक झाली. यामध्ये काँग्रेस अध्यक्ष मल्लिकार्जुन खर्गे, माजी अध्यक्ष राहुल गांधी, पश्चिम बंगालच्या मुख्यमंत्री ममता बॅनर्जी, दिल्लीचे मुख्यमंत्री अरविंद केजरीवाल आणि राष्ट्रवादी काँग्रेसचे अध्यक्ष शरद पवार यांच्यासह अनेक नेते सहभागी झाले होते. या बैठकीत दिल्लीच्या अध्यादेशाचा मुद्दाही गाजला. बैठकीत अध्यादेशाबाबत केजरीवाल यांनी काँग्रेस नेते राहुल गांधी यांना चहापानावर वेळ मागितला, मात्र त्यांनी ते मान्य केले नाही.
अरविंद केजरीवाल बैठकीत काय म्हणाले?
आम आदमी पार्टीच्या (आप) सूत्रांनी दिलेल्या माहितीनुसार, जेव्हा पक्षाचे राष्ट्रीय संयोजक अरविंद केजरीवाल यांना बैठकीत बोलण्याची संधी मिळाली तेव्हा त्यांनी सर्वप्रथम अध्यादेशाविषयी बोलले आणि त्यावर पाठिंबा मागितला. काँग्रेसने अध्यादेशाबाबत आपली भूमिका स्पष्ट केलेली नाही, त्यामुळे मनभेद आणि मतभेद दूर व्हावेत यासाठी अरविंद केजरीवाल यांनी राहुल गांधींना चहापानावर भेटण्यास सांगितले, परंतु राहुल गांधी यांनी नकार दिला. त्यावर राहुल गांधी म्हणाले की, आमची येथे बैठक प्रक्रिया सुरू आहे. अध्यादेशाच्या बाजूने किंवा विरोधाबाबतही एक प्रक्रिया आहे. त्याचवेळी काँग्रेस अध्यक्ष मल्लिकार्जुन खरगे यांनी अरविंद केजरीवाल यांना काही क्लिप दाखवत तुमचे नेते आमच्याबद्दल खूप बोलतात, असे सांगितले.अशा स्थितीत सीएम केजरीवाल यांनी प्रतिक्रिया देताना सांगितले की, हीच गोष्ट तुमच्या बाजूनेही जाते, पण अध्यादेशावर तुमची भूमिका सांगा. अध्यादेशाविरोधात उभे राहायचे नसेल तर जाहीरपणे सांगा.