MaharashtraCoronaEffect : गेल्या २४ तासात राज्यातील ११७ पोलिसांना कोरोनाची बाधा, आतापर्यंत १३१ पोलिसांचा मृत्यू
117 more police personnel found #COVID19 positive & 2 died in the last 24 hours in Maharashtra. Total number of Corona positive police personnel in Maharashtra reaches 12,877, including 2,255 active cases, 10,491 recoveries & 131 deaths till date: Maharashtra Police pic.twitter.com/pZjOmGw8ar
— ANI (@ANI) August 20, 2020
राज्यातील कोरोनाबाधितांच्या उपचारात सुधारणा होत असली तरी लोकांचे संसर्गापासून संरक्षण व्हावे म्हणून कार्यरत असणाऱ्या ११७ पोलिसांना गेल्या २४ तासांमध्ये कोरोनाची बाधा झाली असून दोघांचा मृत्यू झाला आहे. राज्यातील करोनाबाधित पोलिसांची संख्या आता १२ हजार ८७७ झाली आहे. या मध्ये पूर्णपणे बरे झालेले १० हजार ४९१ जण, सध्या उपचार सुरू असलेले २ हजार २५५ जण व आतापर्यंत करोनामुळे मृत्यू झालेल्या १३१ पोलिसांचा समावेश आहे. महाराष्ट्र पोलिसांच्या हवाल्याने एएनआयने हे वृत्त दिले आहे.
राज्यातील १२ हजार ८७७ करोनाबाधित पोलिसांमध्ये १ हजार ३५८ अधिकारी व ११ हजार ५१९ कर्मचारी यांचा समावेश आहे. सध्या उपचार सुरू असलेल्या (अॅक्टिव्ह)२ हजार २५५ पोलिसांमध्ये ३०५ अधिकारी व १ हजार ९५० कर्मचारी आहेत. करोनामुक्त झालेल्या १० हजार ४९१ पोलिसांमध्ये अधिकारी १ हजार ४१ व ९ हजार ४५० कर्मचाऱ्यांचा समावेश आहे. तर, आतापर्यंत करोनामुळे मृत्यू झालेल्या १३१ पोलिसांमध्ये १२ अधिकारी व ११९ कर्मचाऱ्यांचा समावेश आहे.