भाजपला करायची मला अटक, खोट्या केसेसद्वारे माझी बदनामी करण्याचा प्रयत्न…
गुरुवारी (४ जानेवारी) मुख्यमंत्री अरविंद केजरीवाल यांनी पत्रकार परिषद घेतली. दरम्यान, ते म्हणाले की ईडीची नोटीस बेकायदेशीर असून त्यांना मला अटक करायची आहे, असे बोलून त्यांनी भाजपवर निशाणा साधला. तसेच लोकसभा निवडणुकीपूर्वी नोटीसच्या वेळेवर देखील त्यांनी प्रश्नचिन्ह उपस्थित केले आहेत.
‘माझी बदनामी करण्याचा प्रयत्न’
दिल्लीचे मुख्यमंत्री म्हणाले, “गेल्या दोन वर्षांपासून भाजपच्या सर्व एजन्सींनी अनेक छापे टाकून दारू घोटाळ्यात अनेकांना अटक केली आहे. मात्र आजपर्यंत एका पैशाचाही घोटाळा झालेला नाही. त्यांनी अनेक ‘आप’ नेत्यांना ताब्यात घेतले असून ते अशा खोट्या केसेसमध्ये तुरुंगात आहेत.
भाजप आता मला अटक करू इच्छित आहे आणि हे लोक बनावट समन्स पाठवून माझी बदनामी करू इच्छित आहेत. ईडीने मला पाठवलेले समन्स बेकायदेशीर असल्याचे माझ्या वकिलांनी म्हटले आहे.
कायदेशीरदृष्ट्या योग्य समन्स आल्यास मी पूर्ण सहकार्य करेन. लोकसभा निवडणुकीत मला प्रचार करण्यापासून रोखणे हा भाजपचा उद्देश आहे. ते पुढे म्हणाले, ईडीने माझ्या पत्राचे उत्तर दिलेले नाही कारण त्यांच्याकडे सांगायला काहीच नाही.
BJP मुझे गिरफ़्तार करना चाहती है। मेरी सबसे बड़ी सम्पत्ति मेरी ईमानदारी है। ये लोग फ़र्ज़ी मुक़दमों से मेरी ईमानदारी पर चोट करना चाहते हैं।
हम बीजेपी की इस गुंडागर्दी और तानाशाही के सामने नहीं झुकेंगे। मेरा एक-एक कतरा देश को समर्पित है। हम ईमानदार हैं और जी-जान लगाकर भाजपा के… pic.twitter.com/ydm0fEnf0M
— Arvind Kejriwal (@ArvindKejriwal) January 4, 2024
‘भाजपमध्ये प्रवेश केल्यावर खटले बंद’
विरोधी पक्षनेत्यांवरील ईडी-सीबीआय खटले भाजपमध्ये गेल्यानंतर बंद करण्यात आल्याची अनेक उदाहरणे आहेत. जे भाजपात सामील होत नाहीत ते तुरुंगात जातात. सिसोदिया यांनी भाजपमध्ये जाण्यास नकार दिल्यामुळे ते तुरुंगात आहेत.
जे काही घडत आहे ते लोकशाही म्हणून भारतासाठी अत्यंत धोकादायक आणि हानिकारक आहे. माझे हृदय भारतासाठी धडधडते, भाजपविरोधात लढण्यासाठी आम्हाला तुमच्या पाठिंब्याची गरज आहे. माझी प्रामाणिकता माझी सर्वात मोठी संपत्ती आहे. असे ही अरविंद केजरीवाल पुढे म्हणाले.
दिल्ली उत्पादन शुल्क धोरणाच्या कथित घोटाळ्याप्रकरणी ED ने मुख्यमंत्री अरविंद केजरीवाल यांना मनी लाँडरिंग (पीएमएलए) अंतर्गत तीन समन्स बजावले आहेत, परंतु मुख्यमंत्री एकदाही केंद्रीय अन्वेषण यंत्रणेसमोर हजर झाले नाहीत.
दरम्यान, आम आदमी पार्टीचे नेते आणि दिल्लीचे कायदा आणि सार्वजनिक बांधकाम मंत्री आतिशी आणि सौरभ भारद्वाज यांनी बुधवारी (३ जानेवारी) रात्री उशिरा अज्ञात इनपुटचा हवाला देत दावा केला की अंमलबजावणी संचालनालय (ED) मुख्यमंत्री अरविंद केजरीवाल यांना गुरुवारी (४ जानेवारी) अटक करू शकते दावा केला होता.
आतिशी यांनी सोशल मीडिया प्लॅटफॉर्म ‘X’ वर लिहिले, “ईडी उद्या सकाळी अरविंद केजरीवाल यांच्या निवासस्थानावर छापा टाकणार असल्याची बातमी येत आहे. अटक होण्याची शक्यता आहे.”
सुनने में आ रहा है कल सुबह मुख्यमंत्री केजरीवाल जी के घर ED पहुँच कर उन्हें गिरफ़्तार करने वाली है ।
— Saurabh Bharadwaj (@Saurabh_MLAgk) January 3, 2024
दिव्या पाहुजा खून प्रकरणात हॉटेल मालकाचा धक्कादायक खुलासा
दिवसभरातील ताज्या आणि महत्त्वाच्या घडामोडी : www.mahanayakonline.com
दिवसभरातील ताज्या News Update | Join with Mahanayak Online :
https://chat.whatsapp.com/KHZm2husxzD6XiBY0eBBnZ
MahanayakOnline
www.mahanayakonline.com
For advertising call now :
9421379055 | 9028150765