RahulGandhiNewsUpdate : राहुल गांधी यांची खासदारकी पुन्हा बहाल , काँग्रेसकडून जल्लोष …
नवी दिल्ली : लोकसभा अध्यक्ष ओम बिर्ला यांनी त्यांचे सदस्यत्व बहाल केल्याने राहुल गांधी खासदार म्हणून संसदेत पुन्हा परतले आहेत. काँग्रेस नेत्यांनी या घटनेला पुन्हा एकदा ‘सत्याचा विजय’ झाल्याचे म्हटले असून या निर्णयाचे स्वागत केले आहे. मोदी आडनाव प्रकरणी सर्वोच्च न्यायालयाकडून मिळालेल्या दिलासानंतर तीन दिवसांनी राहुल गांधी यांचे संसद सदस्यत्व बहाल करण्यात आले आहे. आता काँग्रेस नेते संसदेच्या कामकाजात भाग घेऊ शकतात. सर्वोच्च न्यायालयाने शिक्षेला स्थगिती दिल्यानंतर लोकसभा सचिवालयाने यासंदर्भात निर्णय घेतला आहे. राहुल गांधी यांचे सदस्यत्व बहाल करण्यासाठी काँग्रेसने सर्वोच्च न्यायालयात जाण्याची तयारी केली होती.
सोमवार संध्याकाळपर्यंत राहुल गांधी यांचे संसद सदस्यत्व बहाल केले नाही तर मंगळवारी सर्वोच्च न्यायालयात अपील करण्याचा निर्णय काँग्रेसने घेतला होता मात्र, त्यापूर्वीच राहुल गांधी यांचे सदस्यत्व बहाल करण्यात आल्याने आता ते पुन्हा खासदार झाले आहेत.
Lok Sabha Secretariat restores membership of Wayanad MP Rahul Gandhi after the Supreme Court on Friday (August 4) stayed his conviction in the ‘Modi’ surname remark case.
He was disqualified from the lower house in March 2023. pic.twitter.com/UBE3FvCGEN
— ANI (@ANI) August 7, 2023
लोकसभा सचिवालयाने जारी केलेली अधिसूचना
लोकसभा सचिवालयातून जारी करण्यात आलेल्या अधिसूचनेमध्ये असे म्हटले आहे की, 24 मार्च 2023 रोजी जारी करण्यात आलेल्या अधिसूचनेच्या पुढे सुप्रीम कोर्टाने 4 ऑगस्ट 2023 रोजी विशेष अपीलवर, वायनाड संसदेचे प्रतिनिधीत्व करणारे लोकसभा सदस्य राहुल गांधी यांना दोषी ठरवले होते . सुरतच्या मुख्य न्यायदंडाधिकारी न्यायालयाने 23 मार्च 2023 रोजी त्यांच्या विरोधात निकाल दिला होता . त्यावर सर्वोच्च न्यायालयाच्या दिनांक 4 ऑगस्ट 2023 च्या आदेशाच्या अनुषंगाने, राहुल गांधी यांनी 24 मार्च 2023 रोजी कलम 102(1)(1) च्या कलम 8 मध्ये नमूद केल्यानुसार लोकप्रतिनिधी कायदा, 1951 अंतर्गत जारी केले. e) आता भारतीय राज्यघटनेतील संसदेचे सदस्यत्व रद्द करण्याबाबतची अधिसूचना पुढील न्यायिक आदेशापर्यंत संपुष्टात आली आहे.
Rahul Gandhi's Lok Sabha membership restored
Read @ANI Story | https://t.co/WP09JLfyDK#RahulGandhi #LokSabha #MemberOfParliament pic.twitter.com/z0rFkPzkf6
— ANI Digital (@ani_digital) August 7, 2023
मार्चमध्ये शिक्षा झाली
मार्च 2023 मध्ये गुजरात न्यायालयाने राहुल गांधींना 2019 च्या निवडणूक रॅलीत मोदी आडनावाबद्दल केलेल्या विधानासाठी दोन वर्षांच्या तुरुंगवासाची शिक्षा सुनावली. शिक्षा सुनावल्यानंतर दुसऱ्याच दिवशी लोकसभा सचिवालयाने संसदेचे सदस्यत्व रद्द करण्याबाबत अधिसूचना जारी केली. राहुल गांधी यांनी केरळमधील वायनाड लोकसभा मतदारसंघातून 2019 ची निवडणूक जिंकली.
सर्वोच्च न्यायालयाने शिक्षेला स्थगिती दिली होती
राहुल गांधी यांच्या अपिलावर सर्वोच्च न्यायालयाने शुक्रवारी (4 ऑगस्ट) कनिष्ठ न्यायालयाच्या शिक्षेला स्थगिती दिली. सुरत सत्र न्यायालयातून दोषी ठरवल्याचा निकाल येईपर्यंत स्थगिती कायम राहणार आहे, जिथे राहुल गांधी यांनी शिक्षेविरोधात अपील दाखल केले आहे.
काँग्रेस कार्यकर्त्यांचा जल्लोष
राहुल गांधींना लोकसभेचे सदस्यत्व पुन्हा बहाल करण्यात आले आहे. या निर्णयाचा आनंद देशभरातल्या काँग्रेस कार्यकर्त्यांनी साजरा केला. दिल्लीत काँग्रेसच्या वतीनं फटाके आतषबाजी करून आणि एकमेकांना मिठाई भरवून सेलिब्रेशन करण्यात आलं. काँग्रेस कार्यकर्त्यांनी ढोल-ताशा वाजवत एकच जल्लोष केला.मुंबईतही काँग्रेस पदाधिकाऱ्यांनी पक्षाच्या मध्यवर्ती कार्यालयात मोठा जल्लोष केला.