NCPNewsUpdate : राष्ट्रवादीने पक्षीय स्तरावर घेतला मोठा निर्णय
मुंबई : राष्ट्रवादी काँग्रेसचे अध्यक्ष शरद पवार यांनी पक्षाचे सर्व विभाग आणि कक्ष तातडीने बरखास्त केले आहेत. राष्ट्रवादीच्या एका ज्येष्ठ नेत्याने बुधवारी ही माहिती दिली आहे. राष्ट्रवादीचे राष्ट्रीय सरचिटणीस प्रफुल्ल पटेल यांनी ट्विट केले की, “राष्ट्रवादीचे राष्ट्रीय अध्यक्ष शरद पवार यांच्या मान्यतेने, सर्व विभाग आणि कक्ष तात्काळ प्रभावाने विसर्जित करण्यात येत आहेत.”
With the approval of our National President Hon'ble Shri Sharad Pawar Saheb, all the National level Departments and Cells of @NCPspeaks excluding Nationalist Women's Congress, Nationalist Youth Congress and Nationalist Students Congress stand dissolved with immediate effect.
— Praful Patel (@praful_patel) July 20, 2022
निर्णयाच्या कारणाबाबत माहिती नाही
महाराष्ट्रात महाविकास आघाडी किंवा एमव्हीए सरकार पडल्यानंतर तीन आठवड्यांनंतर आलेल्या या निर्णयाच्या कारणाबाबत माजी केंद्रीय मंत्र्यांनी कोणतीही माहिती दिलेली नाही. एकनाथ शिंदे यांच्या नेतृत्वाखालील शिवसेना आमदारांच्या एका गटाने उद्धव ठाकरेंविरुद्ध केलेल्या बंडानंतर जूनच्या अखेरीस पडलेल्या शिवसेनेच्या नेतृत्वाखालील युती सरकारचा राष्ट्रवादी हा महत्त्वाचा घटक होता.
गेल्या महिन्यात शिवसेना नेते आणि महाराष्ट्राचे कॅबिनेट मंत्री एकनाथ शिंदे पक्षाच्या 37 हून अधिक आमदारांसह प्रथम सुरतला गेले आणि नंतर आसाममधील गुवाहाटी येथे गेले. तेथून तत्कालीन सरकार पाडण्यासाठी पटकथा लिहिली गेली. आठवडाभराहून अधिक काळ राजकीय उलथापालथ झाल्यानंतर एकनाथ शिंदे यांनी भाजपशी हातमिळवणी करून सरकार स्थापन केले आणि स्वत: मुख्यमंत्रिपदाची खुर्ची विराजमान केली.