WorldNewsUpdate : कोरोनामुळे अमेरिकेत साडेतीन महिन्यात सात लाखाहून अधिक बळी

वॉशिंग्टन: अवघ्या साडेतीन महिन्यात अमेरिकेत कोरोना बळींची संख्या सात लाखांहून अधिक झाली आहे. तर, दुसरीकडे डेल्टा वेरिएंटचा प्रभाव कमी झाल्याने प्रशासनाला काही प्रमाणात दिलासा मिळाला आहे. दरम्यान एकीकडे अमेरिकेतही कोरोना महासाथीच्या आजारावर नियंत्रण ठेवण्यासाठी लसीकरण करण्यासाठी सरकारकडून आग्रह धरला जात असताना दुसरीकडे अनेक नागरिकांनी लसीकरणाकडे पाठ फिरवली आहे. लसीकरण न झालेल्या लोकांमध्ये डेल्टा वेरिएंटचा संसर्ग झाल्याने करोना बळींची संख्या वाढली असल्याचे अमेरिकेने म्हटले असून सर्वांनी लसीकरण करून घेण्याचे आवाहन केले जात आहे.

दरम्यान कोरोना लस घेतल्यानंतर संसर्ग झाल्यास गंभीर आजारापासून संरक्षण होत असल्याचे समोर आले आहे. त्यानंतरही अमेरिकेत लस घेण्यासाठीचे निकष पूर्ण करणाऱ्या जवळपास सात कोटी जणांनी लस घेतली नसल्याचे म्हटले जात आहे. त्यामुळेच डेल्टा वेरिएंटचा संसर्ग मोठ्या प्रमाणावर झाला. तरी अमेरिकेत कोरोनामुळे रुग्णालयात दाखल होणाऱ्या रुग्णांच्या संख्येत घट झाली असल्याचे समोर आले आहे. कोरोनाबाधितांच्या संख्येत घट होण्यामागे मास्कचा वापर आणि लसीकरण हे मुख्य घटक परिणामकारक ठरले असल्याचे सांगितले जात आहे.

कोरोनाबाधितांच्या संख्येत घट होत असली तरी नागरिकांनी लसीकरण टाळता कामा नये असे अमेरिकेचे संसर्गरोग तज्ज्ञ डॉ. फाउची यांनी म्हटले आहे. सप्टेंबर महिन्याच्या सुरुवातीला ९३ हजार रुग्ण रुग्णालयात दाखल होते. आता ही संख्या ७५ हजार इतकी आहे. कोरोनाबाधितांच्या संख्येत घट होऊ लागली आहे. मागील दोन-तीन आठवड्यांमध्ये करोनाबाधितांच्या संख्येत घट झाली आहे. कोरोना बळींच्या संख्येत घट झाली आहे. एक आठवड्यापूर्वी सरासरी दोन हजार जणांच्या मृत्यूची नोंद करण्यात येत होती. आता ही संख्या एक हजार इतक्या करोना बळींची संख्या नोंदवण्यात येत आहे.