18 महिन्यांनंतर जम्मू – काश्मीरमध्ये 4G इंटरनेट सेवा सुरु होणार
जम्मू आणि काश्मीरमध्ये काही घडामोडी आणि तणावाच्या परिस्थितीमुळे अनेकदा येथील इंटरनेट सेवा बंद करण्यात आली होती. तब्बल 18 महिन्यांनंतर येथील 4G इंटरनेट सेवा सुरु करण्यात आली आहे. जम्मू काश्मीर सरकारचे प्रवक्ते रोहित कंसल यांनी ट्विट करत याबाबतची माहिती दिली आहे. अनुच्छेद 370 हटवल्यानंतरपासूनच या भागात 4G इंटरनेट सेवा बंद करण्यात आली होती. ज्यानंतर आता ही सेवा पुन्हा बहाल करण्यात आली आहे.
4G mobile internet services being restored in entire J&K @diprjk
— Rohit Kansal (@kansalrohit69) February 5, 2021
दरम्यान, या भागात इंटरनेट सेवा सुरु करण्याची माहिती समोर आल्यानंतर जम्मू काश्मीरचे माजी मुख्यमंत्री ओमर अब्दुल्ला यांनी ट्विट करत याबाबतचा आनंदही व्यक्त केला. “4G मुबारक! ऑगस्ट 2019 नंतर प्रथमच सर्व जम्मू-काश्मीरमध्ये 4G मोबाईल डेटा सुरू झाला आहे. “Better late than never”
4G Mubarak! For the first time since Aug 2019 all of J&K will have 4G mobile data. Better late than never.
— Omar Abdullah (@OmarAbdullah) February 5, 2021
ऑगस्ट 2019 नंतर पहिल्यांदाच जम्मू आणि काश्मीरमघ्ये 4G मोबाईल डेटा वापरता येणार आहे. असे म्हणत त्यांनी आपली प्रतिक्रिया दिली. 5 ऑगस्ट 2019ला केंद्र सरकारने जम्मू – काश्मीरला विशेष राज्याचा दर्जा देणाऱ्या अनुच्छेद 370 रद्द करण्याचा निर्णय दिला. ज्यानंतर जम्मू काश्मीरची विभागणी दोन केंद्रशासित प्रदेशांमध्ये करण्यात आली. जम्मू – काश्मीर आणि लडाख असे हे केंद्रशासित प्रदेश त्या क्षणापासून उदयास आले.