वेगळा पंतप्रधान आणि राष्ट्रपतीच्या मुद्द्यावरून फारूख अब्दुल्ला आणि उमर अब्दुल्ला पंतप्रधानाचा हल्ला

Advertisements
Advertisements
Spread the love

जम्मू आणि काश्मीरचा वेगळा पंतप्रधान आणि राष्ट्रपती असेल अशी व्यवस्था आम्हाला पुन्हा एकदा प्रस्थापित करायची आहे, असे जाहीर वक्तव्य करणारे नॅशनल कॉन्फरन्सचे नेते उमर अब्दुल्ला यांच्यावर पंतप्रधान नरेंद्र मोदी यांनी आज तेलंगणमधील सिकंदराबाद येथील सभेत जोरदार शब्दांत हल्ला चढवला.
नॅशनल कॉन्फरन्स हा महागठबंधनच्या सूत्रधारांपैकी एक प्रमुख पक्ष आहे. फारूख अब्दुल्ला आणि उमर अब्दुल्ला यांची खासगी कंपनी असलेल्या या पक्षाला जम्मू-काश्मीरमध्ये वेगळा पंतप्रधान हवा आहे, असे नमूद करताना काँग्रेसच्या मित्रपक्षाची ही मागणी तुम्हाला मान्य आहे का, असा सवालच मोदींनी उपस्थित जनसमुदायाला केला. नॅशनल कॉन्फरन्सला काश्मीरमध्ये १९५३च्या आधीची स्थिती निर्माण करायची आहे. भारतात दोन पंतप्रधान बनवण्याचे त्यांचे कारस्थान आहे. यावर काँग्रेस आणि महागठबंधनमधील सर्व पक्षांची भूमिका काय आहे, हे स्पष्ट करावेच लागेल, अशी मागणी मोदींनी केली.

Advertisements

काय म्हणाले उमर अब्दुल्ला?

Advertisements
Advertisements

जम्मू-काश्मीरमधील कलम ३५ अ हटवण्याची चर्चा होत असताना माजी मुख्यमंत्री उमर अब्दुल्ला यांनी जम्मू-काश्मीरचा वेगळा पंतप्रधान आणि राष्ट्रपती असेल अशी व्यवस्था पुन्हा निर्माण करण्याची सुप्त इच्छा जाहीर सभेत बोलून दाखवली. आज आपल्यावर अनेक प्रकारचे हल्ले होत आहेत. आपल्याविरुद्ध कारस्थाने रचली जात आहेत. जम्मू-काश्मीरची स्वतंत्र ओळख पुसण्याचे प्रयत्न सुरू आहेत. २०२० पर्यंत राज्यातून ३५ अ हटवण्यात येईल, असे विधान अमित शहा यांनी केले आहे. मात्र, हे मनसुबे आम्ही यशस्वी होऊ देणार नाही. जम्मू-काश्मीर इतर राज्यांसारखं नाही. हे राज्य शर्तींसह भारताचा भाग बनलं आहे. आमची घटना, आमचा झेंडा वेगळा असेल हे आम्ही आधीच स्पष्ट केले आहे. त्याकाळी आमचा ‘सदर-ए-रियासत’ आणि ‘वजीर-ए-आजम’ स्वतंत्र होता आणि आता ही व्यवस्था आम्हाला पुन्हा प्रस्थापित करायची आहे, असे अब्दुल्ला म्हणाले. काश्मिरातील बांदीपोरा येथील सभेत ते बोलत होते. अब्दुल्ला यांच्या याच विधानावर पंतप्रधानांनी शरसंधान केले आहे.

आपलं सरकार