#CoronaVirusUpdate : कोरोनावरील संशोधनात भारताला मोठे यश मात्र अधिक काळजी घेण्याची गरज, जाणून घ्या वैज्ञनिक माहिती
कोरोनासारख्या विषाणूवर उपाय शोधण्यासाठी भारतीय डॉक्टर्स आणि शास्त्रज्ञ काम करत आहेत. त्यावर औषधं शोधण्यात भारताला मोठ यशही आले आहे. पण या आजाराची औषधं कुठल्याही सामान्य दुकानात उपलब्ध नाही. त्यामुळे अशा अफवांवर विश्वास ठेवू नका आणि कोणाच्याही बोलण्याला बळी पडू नका असं आवाहन वारंवार करण्यात येत आहे. दरम्यान चीन, इटली आणि इराणनंतर भारत कोरोनाव्हायरसचा नवा केंद्रबिंदू बनू शकतो, अशी शक्यता देशातील एका तज्ज्ञ डॉक्टरने वर्तवली आहे. याचा अर्थ या देशांनंतर भारत कोरोनाव्हायरसमुळे सर्वात जास्त प्रभावित होणारा देश असेल. कारण इतर आशियाई देशांच्या तुलनेत भारतात यासाठी आवश्यक असलेली तयारी कमी आणि अपुरी आहे.
एका इंग्रजी वृत्तपत्राला दिलेल्या मुलाखतीत आयसीएमआरचे महासंचालक डॉ. बलराम भार्गव म्हणाले की, वैज्ञानिक ज्या पद्धतीने काम करतात, ते एक मोठे यश आहे. अशाप्रकारे, विषाणूचा स्ट्रेन्स वेगळा करणारा भारत जगातील पाचवा देश बनला आहे. या यशामुळे वैज्ञानिक कोरोना विषाणूची लस शोधण्याच्या दिशेने वेगवान काम करू शकतील. या वेळी लोकांना सहकार्याची आवश्यकता आहे असा त्यांचा विश्वास आहे. कोरोना विषाणूची तपासणी करण्यासाठी आतापर्यंत ६५ प्रयोगशाळा देशभर कार्यरत आहेत. शास्त्रज्ञांना असे आढळले आहे की या दोन विषाणूंमधील स्ट्रेन्समध्ये ९९.९८ % समानता आहे. वैज्ञानिक प्रिया अब्राहम म्हणतात की कोणताही रोग दूर करण्यासाठी किंवा त्यास प्रतिबंध करण्यासाठी त्यास ओळखणे आवश्यक आहे. एक प्रकारे, याला पहिला टप्पा म्हणतात. यानंतर, लसी आणि उपचार इत्यादींसाठी काम केले जाते.
इंडियन काऊन्सिल मेडिकल रिसर्च सेंटरच्या अडवान्स रिसर्च इन वायरोलॉजी सेंटरचे माजी प्रमुख डॉ. टी. जॅकब जॉन यांनी ही शक्यता वर्तवली आहे. ब्लूमबर्गने याबाबत वृत्त दिलं आहे. डॉ. जॅकब जॉन यांच्या मते, भारतात प्रत्येक आठवड्याला हा धोका वाढत आहे . आतापर्यंत कोरोनाग्रस्त रुग्णांची संख्या हळूहळू वाढते आहे. मात्र १५ एप्रिलपर्यंत रुग्णांची संख्या दहा ते पंधरा पटीने वाढेल. कारण देशात व्हायरसला आळा घालण्यासाठी उचलण्यात आलेली पावलं पुरेशी नाहीत. भारतातील हवामान आणि लोकसंख्या हा व्हायरस पसरवण्यास पुरसं आहे. भारतात बहुतेक शहरांमध्ये एक तरी ठिकाण असं असतं, जिथं घरं आणि लोकांमध्ये खूप कमी अंतर असतं. अशावेळी कोरोनाव्हायरस पसरण्याचा धोका वाढतो. त्यामुळे भारतीयांनी अधिक काळजी घेण्याची गरज आहे . दरम्यान भारतात कोरोनाव्हायरस रुग्णांचा आकडा १४७ वर पोहोचला आहे. महाराष्ट्रात सर्वाधिक ४२ रुग्ण आहेत. तर देशात तिघांचा कोरोनाव्हायरसमुळे मृत्यू झाला आहे.
इंडियन काऊन्सिल ऑफ मेडिकल रिसर्चच्या (आयसीएमआर) मते, बरेच शास्त्रज्ञ कोरोना विषाणूवर काम करत आहेत. ते म्हणाले की, पुणे इथल्या नॅशनल इन्स्टिट्यूट ऑफ व्हायरोलॉजी (एनआयव्ही) च्या शास्त्रज्ञांनी कोरोना विषाणूची लागण वेगळी करण्यात यशस्वी केलं आहे. असं म्हटलं जातं की, वैज्ञानिकांचा हा शोध कोरोना विषाणूपासून बचाव करण्यासाठी खूप उपयुक्त ठरेल. कोरोना विषाणूचे स्ट्रेन वेगळे करणंदेखील व्हायरसची तपासणी करण्यासाठी एक किट बनवण्यास बराच प्रयत्न करेल. एवढेच नव्हे तर किट बनविण्यात, औषधे शोधण्यात आणि लसांच्या संशोधनातही बरीच मदत होईल.
कोरोना विषाणूमुळे आतापर्यंत एकूण चार देशांनी हे यश मिळवले आहे. ज्यामध्ये अमेरिका, जपान, थायलंड आणि चीन इत्यादींचा समावेश आहे. एका मीडिया रिपोर्टनुसार, आयसीएमआर पुणे वैज्ञानिक प्रिया अब्राहम यांनी म्हटले आहे की, कोरोना विषाणूबाबत भारताने नुकताच पहिला टप्पा पार केला आहे. आग्राच्या रुग्णांकडून आणि इटलीतील काही नागरिकांकडून मिळालेला विषाणू यातून वैज्ञानिक प्रक्रियेद्वारे विषाणूचे स्ट्रेन्स वेगळे केले आहेत. त्यानंतर, वुहान कोरोना विषाणूच्या स्ट्रेन्सला इथल्या स्ट्रेन्ससोबत एकत्र करून यावर संशोधन चालू आहे.