फ्लोरिडात 37 वर्षे तुरुंगात घालवली, आता निर्दोष सिद्ध झाला; 116 कोटी मिळणार नुकसानभरपाई

फ्लोरिडामध्ये (Florida) राहणारा रॉबर्ट डुबोईस 1983 मध्ये झालेल्या बलात्कार आणि हत्येप्रकरणी दोषी ठरला होता. अशा प्रकारे तो 37 वर्षे तुरुंगात राहिला. मात्र त्याने हा गुन्हा केला नसल्याचे आता समोर आले आहे. त्यामुळे त्याला सरकारकडून 116 कोटी रुपयांची भरपाई मिळणार आहे.

वयाच्या १८ व्या वर्षी रॉबर्टला पहिल्यांदा फाशीची शिक्षा सुनावण्यात आली. त्याच्यावर १९ वर्षीय बार्बरा ग्राम्सच्या हत्येचा आरोप करण्यात आला होता. त्याची शिक्षा नंतर जन्मठेपेत बदलण्यात आली.

आता रॉबर्ट 59 वर्षांचा आहे. डीएनए चाचणीत या गुन्ह्यात आणखी दोन जणांचा सहभाग असल्याचे समोर आले आहे. त्यानंतर 2020 मध्ये रॉबर्टची तुरुंगातून सुटका झाली. त्यानंतर रॉबर्टने पोलिस पथक आणि प्रकरणाचा तपास करणाऱ्या फॉरेन्सिक डेंटिस्टवर दावा दाखल केला.

फॉरेन्सिक डेंटिस्टने सांगितले की, पीडितेच्या शरीरावर आढळलेल्या दाताच्या खुणा रॉबर्टच्या दातांशी जुळतात. 1980 मध्ये डीएनए चाचणी उपलब्ध नव्हती. ऑगस्ट 1983 मध्ये, बार्बरा ग्राम्स टाम्पा येथील एका रेस्टॉरंटमधून कामावरून घरी जात होती. त्यानंतर तिच्यावर बलात्कार करून तिला मारहाण करण्यात आली. ग्रामच्या शरीरावर आढळलेल्या दातांच्या खुणा तपासण्यासाठी अनेक पुरुषांचे नमुने घेण्यात आले होते.

त्यात रॉबर्टचाही समावेश होता. मात्र आता असे आढळून आले आहे की ती मेणबत्तीची खूण होती. तर, फॉरेन्सिक दंत चिकित्सकाने ती खूण रॉबर्टच्या दाताची असल्याचे म्हटले होते. मात्र रॉबर्ट ग्राम्सला ओळखतही नव्हता. मात्र ग्राम्सचा जिथे मृतदेह मिळाला, तेथून तो ये-जा करत असे.

टँपा सिटी कौन्सिलने 116 कोटी रुपयांची ($14 दशलक्ष) नुकसान भरपाई

11 जानेवारी रोजी खटला निकाली काढण्यात आला असताना, टँपा सिटी कौन्सिलने गुरुवारी त्यास मान्यता देण्यासाठी मतदान केले आणि अधिकृतपणे ड्यूबॉइसला $14 दशलक्ष रुपयांची भरपाई दिली आहे.

चुकीच्या तुरुंगवासाबद्दल खेद व्यक्त करताना, कौन्सिल सदस्य म्हणाले की डुबॉईससाठी शहराने कमीत कमी नुकसानभरपाई दिली आहे. “ती एक मोठी चूक होती. असोसिएटेड प्रेसच्या म्हणण्यानुसार कौन्सिल सदस्य लुईस व्हिएरा म्हणाले, “मी प्रार्थना करतो आणि  मला आशा आहे की या करारामुळे त्यांना काही प्रमाणात दिलासा मिळेल.”

दिवसभरातील ताज्या आणि महत्त्वाच्या घडामोडी :  www.mahanayakonline.com

Join with Mahanayak Online WhatsApp Group: https://chat.whatsapp.com/KHZm2husxzD6XiBY0eBBnZ

MahanayakOnline  www.mahanayakonline.com

For advertising call now: 9421379055 | 9028150765