Land For Job Case : लालू कुटुंबाला कोर्टाकडून मोठा दिलासा, राबडी देवी आणि दोन्ही मुलींना जामीन

शुक्रवारी (9 फेब्रुवारी) बिहारचे माजी मुख्यमंत्री लालू प्रसाद यादव यांच्या पत्नी राबडी देवी आणि मुली मिसा भारती आणि हेमा यादव यांना दिल्लीच्या राऊस एव्हेन्यू कोर्टातून जामीन मंजूर करण्यात आला. रेल्वेतील नोकरीसाठी जमीन घोटाळ्याप्रकरणी न्यायालयाने २८ फेब्रुवारीपर्यंत हा जामीन दिला आहे. न्यायमूर्ती विशाल गोगणे यांनी ईडीच्या सर्व दाव्यांनंतर तिन्ही आरोपींना जामीन मंजूर केला असून त्यांना युक्तिवाद करण्यासाठी वेळही दिला आहे.

या प्रकरणाच्या सुनावणीत न्यायालयाने आरोपी हृदयानंद चौधरीला अंतरिम जामीनही मंजूर केला आहे. याप्रकरणी सर्व आरोपींनी न्यायालयात जामीन अर्ज दाखल करून नियमित जामिनाची मागणी केली होती. मात्र, न्यायालयाने त्यांना केवळ अंतरिम जामीन मंजूर केला. यासोबतच न्यायालयाने ईडीकडूनही उत्तर मागितले आहे.

ईडीने काय केला दावा?

ईडीकडून मिळालेल्या वृत्तानुसार, आरजेडी प्रमुख लालू प्रसाद यांच्या पत्नी राबडी देवी यांच्या गोठ्यात काम करणाऱ्या व्यक्तीने रेल्वेत नोकरी मिळवू इच्छिणाऱ्या व्यक्तीकडून मालमत्ता घेतली आणि नंतर ती लालू-राबडी यादव दाम्पत्याची मुलगी हेमा यांना सुपूर्द करण्यात आली.

केंद्रीय एजन्सीने या महिन्याच्या सुरुवातीला दिल्ली न्यायालयात आरोपपत्र दाखल केले होते, ज्यामध्ये लालू प्रसाद यांच्या कुटुंबातील सदस्य राबडी देवी, मिसा भारती, हेमा यादव याशिवाय काही बाहेरील लोक आरोपी असल्याचे सांगण्यात आले होते.

न्यायालयीन सत्रादरम्यान, सीबीआयने आरजेडी नेते अहमद अशफाक करीम यांनी दाखल केलेल्या अर्जावर लक्ष दिले, ज्यामध्ये तपासादरम्यान जप्त करण्यात आलेली 13 लाखांची रोकड सोडण्याची मागणी केली. फेब्रुवारी अखेरीस पुरवणी आरोपपत्र दाखल केले जाईल, असे आश्वासन सीबीआयने कोर्टाला दिले आणि तोपर्यंत अर्ज प्रलंबित ठेवण्याचे संकेत दिले. या प्रकरणाची पुढील सुनावणी २७ फेब्रुवारी रोजी होणार आहे.

Bharat Jodo Nyay Yatra : PM मोदींचा पगार 1 लाख 60 हजार, ते महिन्याला 2-3 कोटींचे सूट कसे घालतात?

दिवसभरातील ताज्या आणि महत्त्वाच्या घडामोडी :  www.mahanayakonline.com

Join with Mahanayak Online WhatsApp Group: https://chat.whatsapp.com/KHZm2husxzD6XiBY0eBBnZ

MahanayakOnline  www.mahanayakonline.com

For advertising call now: 9421379055 | 9028150765