आधी देवीच्या समोर हात जोडून, कान पकडून मागितली माफी आणि मग मूर्ती नेली पळवून
उत्तर प्रदेशातील मेरठमधील एका मंदिरातून दुर्गा मूर्ती चोरीला गेली आहे. ही संपूर्ण घटना तिथे लावण्यात आलेल्या सीसीटीव्ही कॅमेऱ्यात कैद झाली आहे. एक तरुण मंदिरात आल्याचे दिसते त्यानंतर तो देवीच्या समोर हात जोडतो, कान धरतो, माफी मागतो आणि तिथे ठेवलेली दुर्गामातेची मूर्ती चोरतो.
मेरठच्या सिव्हिल लाइन्स पोलीस स्टेशन हद्दीतील स्पोर्ट्स स्टेडियमजवळ बालमुखी मातेचं मंदिर आहे. आचार्य प्रदीप गोस्वामी त्याची देखभाल करतात. शनिवारी सकाळी मंदिराचे पुजारी तेथे पोहोचले असता दुर्गादेवीची अष्टधातू मूर्ती न दिसल्याने त्यांना धक्काच बसला. यानंतर चोरीची लाईव्ह घटना तिथे लावलेल्या सीसीटीव्ही कॅमेऱ्यात कैद झाली.
यामध्ये एक तरुण प्रार्थना करताना दिसत आहे. तो मंदिराच्या आत जातो आणि हात जोडून उभा राहतो. यानंतर तो माफी मागतो आणि अष्टधातूची मूर्ती चोरून निघून जातो. दरम्यान, त्यांनी मंदिराच्या काचेचा दरवाजा उघडण्याचाही प्रयत्न केला. त्याने ट्रॅकसूट व डोक्यावर टोपी घातली होती. सध्या या घटनेचा व्हिडिओ सोशल मीडियावर व्हायरल होत आहे.
या प्रकरणी मेरठ पोलिसांनी एक निवेदन जारी केले आहे की, सिव्हिल लाइन्स पोलिस स्टेशन परिसरातील मंदिरात अज्ञात व्यक्तीने चोरी केली आहे. याप्रकरणी सिव्हिल लाइन्स पोलिस ठाण्यात गुन्हा दाखल करण्यात आला आहे. आरोपीची ओळख पटली असून मूर्ती जप्त करण्यात आली आहे. आरोपींविरुद्ध पुढील कारवाई सुरू आहे.
दिवसभरातील ताज्या आणि महत्त्वाच्या घडामोडी : www.mahanayakonline.com
दिवसभरातील ताज्या News Update | Join with Mahanayak Online :
https://chat.whatsapp.com/KHZm2husxzD6XiBY0eBBnZ
MahanayakOnline
www.mahanayakonline.com
For advertising call now :
9421379055 | 9028150765