सगळे भारतीय माझे कुटुंब आहे… मी तुमचे दुःख सहन करु शकत नाही – नरेंद्र मोदी

स्वातंत्र्यदिनाच्या निमित्ताने लाल किल्ल्यावरून केलेल्या भाषणात पंतप्रधान मोदींनी देशवासियांना संघटित होऊन देशाच्या विकासात योगदान देण्याचे आवाहन केले आहे. यावेळी पंतप्रधान म्हणाले की, २०४७ पर्यंत देशाचा विकास करायचा आहे.

जाणून घेऊया काय म्हणाले पंतप्रधान नरेंद्र मोदी …

पंतप्रधान नरेंद्र मोदी आपल्या भाषणाच्या सुरुवातीला म्हणाले, “एवढा मोठा देश, १४० कोटी माझ्या बंधू-भगिनींनो, माझे कुटुंबीय… आज स्वातंत्र्य दिन साजरा करत आहे.

या महान दिनानिमित्त मी देशातील करोडो लोकांना, देशावर आणि जगात भारतावर प्रेम करणार्‍या आणि त्यांचा आदर करणार्‍या करोडो लोकांना खूप खूप शुभेच्छा देतो.

त्याग-तपश्चर्याचे विशाल रूप १९४७ मध्ये अखेर यशस्वी झाले, हजार वर्षांच्या गुलामगिरीत पाहिलेली स्वप्ने पूर्ण झाली. मी हजार वर्षांबद्दल बोलत आहे कारण देशासमोर पुन्हा एक संधी आली आहे.

अशा काळात आपण जगत आहोत, आपण भाग्यवान आहोत की भारताच्या अमृतकालचे हे पहिले वर्ष आहे. एकतर आपण तारुण्यात जगत आहोत किंवा भारतमातेच्या कुशीत जन्म घेतला आहे.

माझे शब्द लिहून घ्या, या काळात आपण जे काय करू, जे पाऊन उचलू, जे बलिदान देऊ, यातून येत्या एक हजार वर्षांचा देशाचा सुवर्ण इतिहास अंकुरणार आहे. या काळात घडलेल्या घटना पुढील एक हजार वर्षांपर्यंत प्रभाव निर्माण करतील. पंचप्राणात समर्पित होऊन देश नव्या आत्मविश्वासाने पुढे जात आहे.

आज भारत जुनी विचारसरणी मागे टाकत आहे, जेव्हा मी म्हणतो की ज्याची पायाभरणी आमच्या सरकारने केली, त्याचे उद्घाटनही आमच्याच काळात होते. आजकाल मी जी पायाभरणी करत आहे , तुम्ही लिहून ठेवा त्याचे उद्घाटनही तुम्ही सर्वांनी माझ्या नशिबात ठेवले आहे.

स्वप्न अनेक आहेत, संकल्प स्पष्ट आहेत, धोरणे स्पष्ट आहेत, हेतूसमोर प्रश्नचिन्ह नाही, परंतु काही वास्तव स्वीकारावे लागतील. ते सोडवण्यासाठी, माझ्या प्रिय कुटुंबियांनो, मी तुमची मदत घेण्यासाठी आज लाल किल्ल्यावर आलो आहे.

मी लाल किल्ल्यावर तुमचा आशीर्वाद घेण्यासाठी आलो आहे. गेल्या काही वर्षात देशाला जो अनुभव आला, त्याची चाचपणी केली, त्या अनुभवाच्या आधारे आज आपण त्यांच्याकडे गांभीर्याने बघायला हवे, असे मी म्हणत आहे.

२०१४ मध्ये मी तुम्हाला परिवर्तन घडेल असं आश्वासन दिले होते. त्यावेळी तुम्ही माझ्यावर विश्वास दाखवलात आणि मला या सर्वोच्च पदावर बसवले. २०१९ मध्ये तुम्ही सगळ्यांनी माझ्यावर पुन्हा विश्वास दाखवला आणि आशीर्वाद दिला.

आता २०२४ साठीही मला आशीर्वाद द्या. पुढच्या १५ ऑगस्टला मी पुन्हा तुमच्यासमोर येईन. मी तुमच्यासाठीच जिंकतो आहे, जिंकेन. मी जे कष्ट करत आहे ते तुमच्यासाठीच आहेत. कारण सगळे भारतीय हे माझे कुटुंब आहेत. मी तुमचे दुःख सहन करु शकत नाही.

तसेच, २०४७ मध्ये जेव्हा देश स्वातंत्र्याची १०० वर्षे साजरी करेल, त्या वेळी भारताचा तिरंगा, विकसित भारताचा तिरंगा जगासमोर असायला हवा. आम्हाला क्षणभरही थांबायचे नाही, मागे हटायचे नाही. त्यासाठी स्वच्छता, पारदर्शकता, निष्पक्षता ही पहिली गरज आहे.

जागे व्हा.. नाहीतर ९० दिवस जेलमध्ये बसा… – जितेंद्र आव्हाड

Live Mahanayak news

Mahanayak news Updates on one click
http://mahanayakonline.com

Like | share | subscribe
https://youtube.com/c/MahanayakOnline

For current Updates join
https://chat.whatsapp.com/KHZm2husxzD6XiBY0eBBnZ

For MahaClassifide
https://chat.whatsapp.com/Hza5pvz90csG19UCftrmDY

 जाहिरातीसाठी संपर्क – 9028150765 / 9420379055