IndiaNewsUpdate : प्रेषित मोहम्मद पैगंबर वाद : रांचीतील हिंसाचार थांबेना, इंटरनेट बंद
रांची : प्रेषित मोहम्मद पैगंबर यांच्या संदर्भात वादग्रस्त वक्तव्य करणाऱ्या भाजपच्या निलंबित राष्ट्रीय प्रवक्त्या नुपूर शर्मा आणि जिंदाल यांना तत्काळ करण्यात यावी या मागणीसाठी केल्या जाणाऱ्या आंदोलनाला अनेक शहरात हिंसक वळण लागले आहे. राशीतील आंदोलनाची आग अद्याप धुमसत असून सरकारने उद्या सकाळपर्यंत इंटरनेट बंद करण्यात आले आहे.
रांचीतील हनुमान मंदिराजवळ संतप्त जमावावर नियंत्रण मिळवण्याच्या प्रयत्नात काही पोलीस जखमी झाल्यानंतर आज रांचीच्या अनेक भागात कर्फ्यू लागू करण्यात आला आहे. पोलिसांनी सांगितले की, शेकडो आंदोलक प्रेषित मोहम्मद यांच्यावर केलेल्या वादग्रस्त वक्तव्याबद्दल भाजपच्या निलंबित प्रवक्त्या नुपूर शर्माला अटक करण्याची मागणी करत आहेत. शुक्रवारच्या नमाजानंतर रस्त्यावर दगडफेक आणि घोषणाबाजी करण्यात आली. गर्दीवर नियंत्रण ठेवण्यासाठी पोलिसांनी हवाई गोळीबारासह लाठीचार्जही केला.
Prophet row: Internet services suspended in Ranchi till tomorrow
Read @ANI Story | https://t.co/l009eIJSwn#InternetServices #ProphetRow #Ranchi pic.twitter.com/sO7BqlXSJn
— ANI Digital (@ani_digital) June 10, 2022
एका वरिष्ठ पोलीस अधिकाऱ्याने पीटीआयला सांगितले की, “काही पोलीस जखमी झाले आहेत. आम्ही परिस्थितीची चौकशी करत आहोत. आम्ही तैनाती मजबूत करत आहोत.” रांचीमध्ये, दिल्ली भाजपच्या मीडिया युनिटचे माजी प्रमुख शर्मा आणि नवीन जिंदाल यांच्या विरोधात घोषणा देत लोकांचा मोठा जमाव मुख्य रस्त्यावर जमा झाला.
परिस्थिती नियंत्रणात आणण्यासाठी आणि कोणताही अनुचित प्रकार घडू नये यासाठी रांचीमध्ये प्रचंड सुरक्षा दल तैनात करण्यात आले आहे. पोलिस अधिकाऱ्यांनी दिलेल्या माहितीनुसार, हे आंदोलन सकाळपासून सुरू असून शुक्रवारच्या नमाजानंतर ते आणखी तीव्र झाले. या वक्तव्याच्या निषेधार्थ अनेक दुकाने आणि प्रतिष्ठाने बंद ठेवण्यात आली होती.
आंदोलकांनी नुपूर शर्माला तत्काळ अटक करण्याची मागणी केली. न्यू डेली मार्केट ट्रेडर्स वेल्फेअर असोसिएशनचे अध्यक्ष हाजी मोहम्मद हसिम यांनी पीटीआयला सांगितले की, “नूपूर शर्मा आणि नवीन जिंदाल यांच्या वक्तव्याच्या निषेधार्थ सकाळपासून बाजारात 1,100 हून अधिक दुकाने बंद होती. आम्ही त्यांना तात्काळ अटक करण्याची मागणी करतो.” हसीम म्हणाला की त्यांना शांततापूर्ण मिरवणूक हवी होती पण पोलिसांनी परवानगी दिली नाही. “म्हणूनच आम्ही आमच्या दुकानांबाहेर शांततेने आंदोलन करत आहोत,” ते म्हणाले.