UttarPradeshUpdate : व्वा रे भाजपा आमदार !! म्हणे मी शिक्षक आहे …तुम्हीच पाहा काय बोलले… !!
#WATCH Incidents like these can be stopped with help of good values, na shashan se na talwar se. All parents should teach their daughters good values. It's only the combination of govt & good values that can make country beautiful: Surendra Singh, BJP MLA from Ballia. #Hathras pic.twitter.com/47AmnGByA3
— ANI UP/Uttarakhand (@ANINewsUP) October 3, 2020
बलात्कारासारख्या धिक्कारार्ह प्रकरणावर आपली प्रतिक्रिया देताना पक्षातील जबाबदार लोकसुद्धा बऱ्याचदा ताळतंत्र सोडून प्रतिक्रिया देताना दिसतात याचीच प्रचिती पुन्हा आली आहे. उत्तर प्रदेशातील बलिया विधानसभा मतदारसंघातील भाजप आमदार सुरेंद्र सिंह यांनी उत्तर प्रदेशातील वाढत्या बलात्कार प्रकरणावर बोलताना अजब प्रतिक्रिया दिली आहे. ‘मुलींवर संस्कार नसल्यानं बलात्काराच्या घटनांत वाढ झाल्याचं’ सांगत सुरेंद्र सिंह यांनी म्हटलं आहे. आपल्या तरुणी मुलींना संस्कारीत वातावरणात राहण्याच्या, चालण्याच्या आणि एक शालीन व्यवहार दर्शवण्याच्या पद्धती शिकवणं हा आई-वडिलांचा धर्म आहे. अशा घटना केवळ चांगल्या संस्कारांनीच थांबवल्या जाऊ शकतात. अशा घटनांना शासन आणि तलवारी रोखू शकत नाहीत, अशी वक्तव्य भाजप आमदारांनी व्यक्त केली आहेत. एका चॅनलशी बोलताना आमदार महोदयांनी आपली मतं जनतेसमोर मांडली आहेत. तसेही हे महाशय त्यांच्या या प्रतिक्रियांमुळे कायम चर्चेत असतात. मागेही त्यांनी डॉक्टरांना दानव आणि पत्रकारांना दलाल असे म्हटले होते.
या महाशयांना , उत्तर प्रदेशात रामराज्याचा दावा केला जात असताना बलात्कारसारख्या घटना समोर येतात, याचं कारण काय? असा सवाल विचारण्यात आला होता. यावर उत्तर देताना हे आमदार महोदय म्हणाले, ‘मी आमदारासोबतच एक शिक्षकही आहे. या घटना केवळ संस्कारांनीच रोखल्या जाऊ शकतात. शासन आणि तलवार त्यांना रोखू शकत नाही’. ‘आपल्या तरुण मुलींवर संस्कार करणं हा सर्वांचा धर्म आहे. माझा धर्म आहे, सरकारचा धर्म आहे परंतु, कुटुंबाचाही हा धर्म आहे. जिथे सरकारचा धर्म संरक्षण करण्याचा आहे. तिथं मुलांना संस्कार देणं हा कुटुंबांचा धर्म आहे. सरकार आणि संस्कार मिळून देशाला सुंदर रुप देऊ शकतात. त्यासाठी दुसरं कुणीही समोर येणार नाही’ असंही त्यांनी म्हटलं आहे.