BiharElectionUpdate : महाआघाडीचे ठरले !! तेजस्वी यादव यांनी जाहीर केले जागा वाटप
बिहार विधानसभा चुनाव में सीपीएम-4, सीपीआई-6, सीपीआई (माले)- 19 , कांग्रेस-70 और RJD-144 सीटों पर चुनाव लड़ेगी : महागठबंधन में सीटों के बंटवारे पर तेजस्वी यादव, RJD #BiharElections pic.twitter.com/LeLhoLGXE7
— ANI_HindiNews (@AHindinews) October 3, 2020
बिहार विधानसभेच्या निवडणूका घोषित झाल्यानंतर सर्वच पक्ष निवडणुकीच्या तयारीला लागले असून यावेळी फारसा वाद न होता महाआघाडीतील जागा वाटपाचा पेच सुटला आहे. महा आघाडीच्या सूत्रांनी दिलेल्या माहितीनुसार राष्ट्रीय जनता दल – १४४ तर काँग्रेस – ७० जागा लढवणार आहे. तसेच, डावी आघाडी २९ मतदारसंघातून लढणार असल्याचे ठरले आहे. तेजस्वी यादव यांनी पत्रकारपरिषदेत याबाबत माहिती घोषणा केली. बिहार विधानसभा निवडणुकीत सीपीएम-४,सीपीआय-६, सीपीआय(माले) -१९, काँग्रेस-७० आणि राजद – १४४ जागांवर लढणार आहे. अशी माहिती तेजस्वी यादव यांनी दिली आहे.
२०१५ च्या विधानसभा निडवणुकीत राजद-१०१, जेडीयू – १०१ व काँग्रेस ४१ जागांवर निवडणूक लढली होती. तेव्हा जेडीयू महाघाडीचा घटक होती. मात्र, यंदाच्या निवडणुकीत जेडीयू भाजपाबरोबर एनडीए आघाडीचा प्रमुख घटक आहे. बिहारमध्ये मुख्यमंत्री नितीश कुमार यांच्या नेतृत्वात एनडीए निवडणूक लढवत आहे. बिहार विधानसभा निवडणुकीच्या तारखा जाहीर झाल्यानंतर निवडणुकीअगोदरच यूपीएला मोठा झटका बसला आहे. दरम्यान माजी केंद्रीयमंत्री आणि राष्ट्रीय लोक समता पार्टी(रालोसपा)चे अध्यक्ष उपेंद्र कुशवाह यांनी यूपीएची साथ सोडत. बसपाला सोबत घेऊत तिसरी आघाडी निर्माण केली आहे.
दरम्यान, बिहार विधानसभेची निवडणूक २८ ऑक्टोबर, ३ आणि ७ नोव्हेंबर अशा तीन टप्प्यांमध्ये होणार असून १० नोव्हेंबर रोजी निकाल घोषित केला जाईल. कोरोना संकटकाळात देशात होणारी ही पहिली निवडणूक आहे. या निवडणुकीत जनता दल (संयुक्त) आणि भाजप यांच्या सत्ताधारी राष्ट्रीय लोकशाही आघाडीविरोधात (एनडीए) राष्ट्रीय जनता दल आणि काँग्रेसची महाआघाडी उभी राहिली आहे.