कुत्र्याला वाचविण्याच्या प्रयत्नात गाडी उलटली

जाफराबाद येथील वकील मयूर गौतम हे राजूरकडून जालनाकडे येत असताना घानेवाडी पाटीजवळ कुत्रा अचानकमध्ये आल्याने त्याला वाचवण्यासाठी प्रयत्नात त्यांची गाडी उलटली. सुदैवाने यात जीवितहानी झाल्याचे वृत्त नाही.

मिळालेल्या माहितीनुसार, कुत्र्याला वाचविताना उलटलेल्या गाडीने तीन ते चार वेळा पलटी घेतली आणि एका झाडाला जाऊन आदळली. सदर घटनेत कोणालाही दुखापत झाली नाही. हा अपघात झाला, तेव्हा गाडीत वकील मयूर गौतम व त्यांची ५ वर्षाची मुलगी प्रवास करत होते. परंतु दोघेही सुरक्षित असल्याची माहिती मिळाली आहे. चंदनझिराच्या पोलिसांनी तात्काळ पोहोचून मदतकार्य केले.