राखी सावंत रणवीर सिंहसाठी ‘रॉकस्टार’
रणवीरनं नुकत्याच दिलेल्या एका मुलाखतीत तो राखी सावंतला रॉकस्टार मानत असून ती त्याला आवडत असल्याचंही कबूल केलं. या मुलाखतीत रणवीरला तो कोणाला इंडस्ट्रीतील रॉकस्टार मानतो असा प्रश्न विचारण्यात आला होता. त्याचं उत्तर देताना रणवीरनं राखी सावंतचं नाव घेतलं. त्यामुळं आता राखी यावर काय प्रतिक्रिया देते हे पाहणं औत्सुक्याचं ठरणार आहे. अभिनेता रणवीर सिंह अनेकदा विचित्र आणि इतरांपेक्षा वेगळ्या कपड्यांमध्ये भाव खाऊन जातो. आपल्या हटके फॅशनमुळे तो सतत चर्चेत असतो. पण सध्या तो वेगळ्याच कारणासाठी चर्चेत आलाय. त्याला म्हणे चित्रपटसृष्टीत राखी सावंत रॉकस्टार वाटते!
रणवीर सध्या आगामी चित्रपट ‘गली बॉय’च्या प्रदर्शनात व्यग्र आहे. रणवीर या चित्रपटात एका रॅपरच्या भूमिकेत असून अभिनेत्री आलिया भट्ट सुद्धा रणवीर सोबत दिसणार आहे. याच आठवड्यात १४ फेब्रुवारीला ‘व्हॅलेंटाइन डे’ला ‘गली बॉय’ चित्रपटगृहात प्रदर्शित होणार आहे.