अयोध्या राम मंदिराप्रमाणे काशी , मथुरा मंदिरेही हिंदूंच्या ताब्यात देण्याची स्वामी गोविंददेव गिरी माहाराज यांची मागणी

अयोध्या : अयोध्येतील राम मंदिराप्रमाणे वाराणसीतील काशी विश्वनाथ मंदिर आणि मथुरा येथील श्री कृष्णजन्मभूमी मंदिर धोक्यात आले आहे. परकीय हल्लेखोरांनी केलेल्या हल्ल्यांची ही सर्वात मोठी चिन्हे आहेत. ही पार्श्वभूमी लक्षात घेऊन ही मंदिरे हिंदूंच्या ताब्यात द्यावीत अशी मागणी श्री रामजन्मभूमी तीर्थ क्षेत्र ट्रस्टचे कोषाध्यक्ष, स्वामी गोविंद देव गिरी महाराज यांनी केली आहे.

एएनआय या वृत्तसंस्थेने सोमवारी (५ फेब्रुवारी २०२४) जारी केलेल्या व्हिडिओमध्ये त्यांनी वादग्रस्त ज्ञानवापी मशिदीवर बोलताना त्यांनी ही प्रतिक्रिया दिली आहे. यात त्यांनी म्हटले आहे की , “हात जोडून आम्ही प्रार्थना करतो की, ही तीन मंदिरे हिंदूंच्या ताब्यात द्यावीत.

कारण आक्रमणकर्त्यांनी आमच्यावर केलेल्या हल्ल्यांच्या या सर्वात मोठ्या खुणा आहेत. या मंदिरांमुळे लोकांच्या मनात वेदना आहेत. देशातील जनतेने हे दुःख शांततेने दूर केले तर बंधुभाव वाढण्यास आणखी आधार मिळेल.

एका इंग्रजी वृत्तपत्राच्या बातमीदाराशी बोलताना ते म्हणाले की , जर अयोध्या, काशी आणि मथुरा मंदिरे मुक्त झाली तर आम्हाला इतर कोणतेही धार्मिक स्थळ पाहण्याची इच्छाही होणार नाही. कारण आपल्याला भूतकाळात नाही तर भविष्यात जगायचे आहे. देशाचे भविष्य चांगले असावे. अशा स्थितीत उरलेली दोन मंदिरे (काशी आणि मथुरा) शांती आणि प्रेमाने मिळाली तर बाकीचे विसरून जाऊ.

स्वामी गोविंद देव गिरी महाराज यांच्या म्हणण्यानुसार, आम्हाला (राम मंदिरासाठी) शांततापूर्ण तोडगा सापडला आहे आणि आता एक टप्पा सुरू झाला आहे, त्यामुळे आम्ही आशा करतो की उर्वरित प्रश्न देखील शांततेने सोडवले जातील.

मुस्लिम समाजाबाबत ते पुढे म्हणाले की , परिस्थितीनुसार आम्ही पुढील पावले उचलू आणि त्यांना (मुस्लिम) पटवून देण्याचा प्रयत्न करू. परिस्थिती कोणत्याही प्रकारे बिघडणार नाही आणि शांतता राखली जाईल याची आम्ही काळजी घेऊ.

दिवसभरातील ताज्या आणि महत्त्वाच्या घडामोडी :  www.mahanayakonline.com

Join with Mahanayak Online WhatsApp Group: https://chat.whatsapp.com/KHZm2husxzD6XiBY0eBBnZ

MahanayakOnline  www.mahanayakonline.com

For advertising call now: 9421379055 | 9028150765