IndianRailway : रेल्वे स्टेशनवर शौचालयात लघवीसाठी जाणे पडले महागात , GST सह 112 रुपये भरावे लागले …
आग्रा : तुम्ही रेल्वे स्टेशन किंवा बस स्टँडच्या टॉयलेटचाही कधी ना कधी वापर केलाच असेल आणि त्यासाठी तुम्ही ५ ते १० रुपये शुल्क देखील भरले असेल. आता याच टॉयलेटशी संबंधित एक बातमी सोशल मीडियावर मोठ्या प्रमाणात व्हायरल होत आहे. हि बातमी अशी आहे कि , आग्रा कॅंट स्टेशनवरील एक्झिक्युटिव्ह लाउंजचे शौचालय काही मिनिटांसाठी वापरण्याच्या बदल्यात, ब्रिटीश दूतावास नवी दिल्लीतून आलेल्या दोन पर्यटकांना ११२-११२ म्हणजेच २२४ रुपये मोजावे लागले यापैकी २४ रुपये जीएसटी पोटी करण्यात आल्याचे पाहून या विदेशी पर्यटकांसोबत त्यांच्या ‘गाईड’ लाही धक्का बसला आहे.
या वृत्तानुसार भरलेल्या रकमेत ६ टक्के जीएसटी आणि ६ टक्के सी जीएसटी समाविष्ट आहे. म्हणजेच टॉयलेटला जाण्यासाठी १२ टक्के जीएसटी आकारण्यात आला आहे. आत्तापर्यंतची ही पहिलीच घटना आहे जी उघडकीस आली आहे, ज्यामध्ये शौचालयात जाणे देखील एखाद्यासाठी इतके महाग असल्याचे सिद्ध झाले आहे.
आयआरसीटीसीचे स्पष्टीकरण…
पर्यटकांना कार्यकारी शाखेचा वापर चांगलाच महागात पडला आणि जेव्हा हे प्रकरण लाउंज मॅनेजरपर्यंत पोहोचले तेव्हा त्यांनी आयआरसीटीसीचा कोणताही दोष नसल्याचे सांगितले. हे विश्रामगृह एक्झिक्युटिव्ह आहे. एक्झिक्युटिव्ह लाउंजमध्ये राहण्यासाठी ५० टक्के सूट दिल्यानंतर किमान ११२ रुपये शुल्क भरणे बंधनकारक आहे.
IRCTC नुसार, पैसे भरल्यानंतर तुम्हाला ग्राउंडमध्ये मोफत कॉफी दिली जाते. यामध्ये तुम्ही वॉशरूम वापरू शकता. मोफत वायफाय वापरू शकता. पेमेंट केल्यावर तुम्ही एक्झिक्युटिव्ह लाउंजमध्ये २ तासांपर्यंत राहू शकता.
याआधीही सर्व्हिस चार्जशी संबंधित प्रकरण समोर आले आहे. IRCTC त्याच्या सेवा शुल्कामुळे पहिल्यांदाच चर्चेत नाही. यापूर्वी भोपाळ शताब्दी ट्रेनमध्ये २० रुपयांच्या कपवर एका व्यक्तीकडून ५० रुपये सेवा शुल्क घेतले जात होते. त्या व्यक्तीला एका कप चहासाठी ७० रुपये मोजावे लागले. रेल्वेच्या या ‘हाय-फाय’ सेवेचा पुरावा म्हणून त्या व्यक्तीने ते चहाचे बिल सोशल मीडियावर शेअर केले होते, त्यानंतर रेल्वेला स्पष्टीकरण म्हणून आपले विधान जारी करावे लागले.