Aurangabad : जिल्हाधिकारी कार्यलयातील सिटी सर्व्हे विभागातील रेकॉर्ड रुमला आग , आधीच रेकॉर्ड स्कॅनिंग केल्याची माहिती
जिल्हाधिकारी कार्यलयातील सिटी सर्व्हे विभागातील रेकॉर्ड रुमला सकाळी दहा वाजताच्या सुमारास आग लागली. या आगीत रेकॉर्ड रूममधील संचिका खाक झाली. अनेक महत्वाची कागदपत्रे जळाली आहेत. शॉर्टसर्किटमुळं ही आग लागल्याचा प्राथमिक अंदाज आहे. आगीच्या घटनेची माहिती मिळताच, अग्निशमन दलाचे चार बंब घटनास्थळी तात्काळ पोहोचले. तासाभराच्या प्रयत्नानंतर आग आटोक्यात आणण्यात यश मिळाले. ही आग शॉटसर्किटमुळे लागल्याचा अंदाज व्यक्त केला जात आहे. आग लागल्यानंतर जिल्हाधिकारी कार्यालयाचा वीज पुरवठा खंडित करण्यात आला. रेकॉर्ड रुममधील संचिका ठेवलेल्या जागेसमोरच पीआर कार्ड विभाग आहे. मात्र या विभागातील सर्व कागदपत्रे सुरक्षित आहेत. आग लागल्याचे वेळीच लक्षात आल्यामुळे मोठा अनर्थ टळला. जळालेल्या संचिकांचे स्कॅनिग झाले असल्याचे बोलले जात आहे.