राष्ट्रीय स्वयंसेवक विरोधी वक्तव्य , राहुल आणि येचुरी यांच्या विरुद्ध १ रुपयाचा अब्रू नुकसानीचा दावा
राष्ट्रीय स्वंयसेवक संघाबाबत वादग्रस्त विधान केल्याप्रकरणी काँग्रेसचे राष्ट्रीय अध्यक्ष राहुल गांधी आणि मार्क्सवादी कम्युनिस्ट पक्षाचे जेष्ठ नेते सीताराम येचुरी यांच्याविरुद्ध १ रुपयाचा अब्रूनुकसानीचा ठाणे न्यायालयात दावा दाखल असून येत्या ३० एप्रिल रोजी न्यायालयात हजर राहून लेखी म्हणणे मांडण्याचे आदेश नोटीसीद्वारे ठाण्यातील संघाचे कार्यकर्ते विवेक चंपानेरकर यांनी हा दावा दाखल केला आहे, अशी माहिती अॅड. आदित्य मिश्रा यांनी ‘मटा’ला दिली. संघाच्या विरोधात बोलल्यास मारून टाकले जाते, असे वादग्रस्त विधान पत्रकार गौरी लंकेश यांच्या हत्येनंतर राहुल गांधी यांनी केले होते. तर देशात हिंसा घडल्यास त्यामध्ये संघाचा हात असतो, असे विधान सीताराम येचुरी यांनी केले होते. त्यामुळे चंपानेरकर यांनी अब्रूनुकसानीचा दिवाणी दावा दाखल केला आहे. महात्मा गांधी यांची हत्या राष्ट्रीय स्वंयसेवक संघाने घडवून आणली, या वादग्रस्त विधानाप्रकरणी देखील राहुल गांधी यांच्या विरोधात भिवंडी न्यायालयात अवमान याचिका दाखल आहे.