सरकार घटनात्मक संस्थावर दबाव आणतेच कसा? अरुण गोयल यांच्या जीनाम्यावर काँग्रेसने व्यक्त केली चिंता
काही दिवसांतच लोकसभा निवडणुकीची घोषणा होणार आहे. मात्र त्याआधीच निवडणूक आयुक्त अरुण गोयल यांनी आपल्या पदाचा राजीनामा दिला आहे. त्यांचा कार्यकाळ 2027 पर्यंत होता. मात्र त्यांनी आपल्या पदाचा राजीनामा दिला असून अरुण गोयल यांनी दिलेला हा राजीनामा राष्ट्रपती द्रौपदी मुर्मू यांनी स्वीकारला आहे. या राजीनाम्यावर काँग्रेसने चिंता व्यक्त केली आहे.
निवडणूक आयुक्त अरुण गोयल यांच्या राजीनाम्यावर काँग्रेसने चिंता व्यक्त केली आहे. स्वतंत्र संस्थांची पद्धतशीर पडझड थांबवली नाही, तर लोकशाही हुकूमशाहीने ताब्यात घेतली जाईल, अशी प्रतिक्रिया काँग्रेस अध्यक्ष मल्लिकार्जुन खरगे यांनी दिली आहे.
काँग्रेसचे राष्ट्रीय अध्यक्ष मल्लिकार्जुन खरगे यांनी ट्विट करत चिंता व्यक्त केली आहे. ट्विटमध्ये ते म्हटले की, भारतात आता फक्त एकच निवडणूक आयुक्त आहेत. तेही काही दिवसांत लोकसभा निवडणुका जाहीर होणार असताना. जर आपण स्वतंत्र संस्थांचा पद्धतशीरपणे नाश थांबवला नाही तर आपली लोकशाही हुकूमशाहीने उधळली जाईल.
ECI आता पडणाऱ्या शेवटच्या घटनात्मक संस्थांपैकी एक असेल. निवडणूक आयुक्त निवडण्याची नवी प्रक्रिया आता सत्ताधारी पक्ष आणि पंतप्रधान मोदी यांच्याकडे प्रभावीपणे गेली आहे. कार्यकाळ पूर्ण होऊन २३ दिवस उलटूनही नवीन निवडणूक आयुक्तांची नियुक्ती का झाली नाही? मोदी सरकारने या प्रश्नांची उत्तरे द्यावीत, असेही खरगे यांनी म्हटले आहे.
लोकशाहीसाठी हे अत्यंत चिंताजनक
काँग्रेसचे महासचिव केसी वेणुगोपाल यांनीही ट्विटरवरुन टीका केली आहे. जगातील सर्वात मोठ्या लोकशाहीसाठी हे अत्यंत चिंताजनक आहे. लोकसभा निवडणुकीपूर्वी निवडणूक आयुक्त अरुण गोयल यांनी राजीनामा दिला आहे.
ECI कसे काम करते? घटनात्मक संस्था कशी कार्यरत आहे? त्यावर सरकार कसा दबाव आणते, याबाबत पारदर्शकता नाही. ही वृत्ती लोकशाही परंपरा नष्ट करण्यावरच राजवटीची झुकलेली असल्याचे दिसून येते. निवडणूक आयोग नेहमी पूर्णपणे निःपक्षपाती असणे आवश्यक आहे, अशी टीका केसी वेणुगोपाल यांनी केली.
गोयल यांचा राजीनामा शनिवारपासून स्वीकारला
कायदा मंत्रालयाच्या अधिसूचनेनुसार, गोयल यांचा राजीनामा राष्ट्रपती द्रौपदी मुर्मू यांनी शनिवारपासून स्वीकारला आहे. त्यांनी पद का सोडले हे अद्याप स्पष्ट झालेले नाही. गोयल हे १९८५ च्या बॅचचे पंजाब केडरचे आयएएस अधिकारी होते.
नोव्हेंबर २०२२ मध्ये ते निवडणूक आयोगात रुजू झाले. अनुप चंद्र पांडे यांच्या निवृत्तीनंतर आणि गोयल यांच्या राजीनाम्यानंतर तीन सदस्यीय निवडणूक आयोगात आता एकच सदस्य उरले आहेत.
दिवसभरातील ताज्या आणि महत्त्वाच्या घडामोडी : www.mahanayakonline.com
Join with Mahanayak Online WhatsApp Group: https://chat.whatsapp.com/KHZm2husxzD6XiBY0eBBnZ
MahanayakOnline www.mahanayakonline.com
For advertising call now: 9421379055 | 9028150765