MahadevBettingAppNewsUpdate : काय आहे ? महादेव बेटिंग अॅप प्रकरण ?

मुंबई :  महादेव बेटिंग अॅप प्रकरणी अंमलबजावणी संचालनालयाने (ईडी) शुक्रवारी (६ ऑक्टोबर) एका बॉलिवूड प्रोडक्शन हाऊसवर छापा टाकला असून  या प्रोडक्शन हाऊसला  चित्रपट बनवण्यासाठी हवालाच्या माध्यमातून पैसे मिळाल्याचा आरोप आहे.  महादेव बेटिंग अॅप प्रकरणात ईडीने अनेक प्रसिद्ध बॉलिवूड सेलिब्रिटींना चौकशीसाठी बोलावले आहे. महादेव बेटिंग अॅपचे प्रवर्तक सौरभ चंद्राकर यांच्या लग्नाला आमंत्रित करण्यात आलेल्या सेलिब्रिटींनी हजेरी लावली होती. त्याबदल्यात त्यांना कोट्यवधी रुपये मिळाले असे ईडीचे म्हणणे आहे .

महादेव बेटिंग अॅपमध्ये अनेक प्रकारचे गेम्स, लॉटरी आणि सट्टेबाजीचे पर्याय आहेत. सोप्या भाषेत सांगायचे तर , हे एक जुगार अॅप आहे. यामध्ये निवडणूक निकालांचा अंदाज बांधण्याचाही पर्याय उपलब्ध आहे. हे अॅप संयुक्त अरब अमिराती (UAE) येथून चालवले जात असल्याचे तपासात समोर आले आहे.

या प्रकरणात ईडीने मुंबईतील कुरेशी प्रॉडक्शन हाऊसवर छापा टाकला आहे. ईडीने म्हटले आहे की , कुरेशी प्रॉडक्शन हाऊसने  चित्रपट बनवण्यासाठी महादेव अॅपचे प्रवर्तक सौरभ चंद्राकर आणि रवी उप्पल यांच्याकडून हवाला पैसे घेतले होते.  या माहितीवरून अंधेरी, मुंबई येथे ईडीने छापे टाकले. ईडीने येथे उपस्थित लोकांचीही चौकशी केली. कुरेशी प्रॉडक्शन हाऊस वसीम आणि तबस्सुम कुरेशी चालवतात. या प्रॉडक्शन हाऊसने बॉलीवूडच्या एका टॉप स्टारला घेऊन बिग बजेट चित्रपट बनवण्यात गुंतले आहे. हा चित्रपट स्थानिक भाषेत बनवला जात असून तो इतर भाषांमध्ये डब केला जाणार असल्याचे बोलले जात आहे.

महादेव बेटिंग अॅप प्रकरणी ईडीने रणबीर कपूरची मुंबईतील कार्यालयात चौकशी केली. याशिवाय कपिल शर्मा आणि हुमा कुरेशी यांनाही चौकशीसाठी बोलावण्यात आले होते. या प्रकरणात श्रद्धा कपूर आणि टीव्ही अभिनेत्री हिना खान यांचीही नावे जोडली गेली आहेत. त्यांचीही ईडी चौकशी करणार आहे.

महादेव बेटिंग अॅपच्या प्रमोशनसाठी काम करणारे अनेक ए-लिस्ट बॉलीवूड सेलिब्रिटी ईडीच्या रडारवर आहेत. सूत्रांनी सांगितले की, 14 ते 15 सेलिब्रिटीजवर ईडी नजर ठेवून आहे. येत्या काही दिवसांत त्यांना चौकशीसाठी बोलावण्यात येणार आहे. ऑनलाइन बेटिंग अॅपशी संबंधित मनी लॉन्ड्रिंग प्रकरणात आतापर्यंत ईडीने 4 जणांना अटक केली आहे. सुनील दममानी, अनिल दममानी, चंद्रभूषण वर्मा आणि सतीश चंद्राकर अशी अटक करण्यात आलेल्यांची नावे आहेत. सुनील दमन आणि अनिल दममानी हे खरे भाऊ आहेत, तर चंद्रभूषण हे छत्तीसगड पोलिसात एएसआय आहेत.

प्रकरण उघड कसे झाले ?

सौरभ चंद्राकर आणि रवी उप्पल यांच्या माध्यमातून प्रमोशन केलेल्या कंपनीने UAE मध्ये एका भव्य लग्नाचे आयोजन केले होते, ज्यामध्ये अंदाजे 200 कोटी रुपये रोख देण्यात आले होते. यातील बहुतांश पैसा लग्नात परफॉर्म करणाऱ्या सेलिब्रिटींना गेला. महादेव बेटिंग अॅप ऑपरेट करण्यासाठी मलेशिया, थायलंड, भारत, यूएई येथे कॉल सेंटर उघडण्यात आले. येथून सहायक अॅप तयार करून ऑनलाइन सट्टेबाजी केली जात होती. महादेव बेटिंग अॅपच्या माध्यमातून हजारो कोटींचे व्यवहार झाल्याचे ईडीच्या तपासात समोर आले आहे.

ईडीने म्हटले आहे की , भारतात सट्टेबाजीसाठी 4000 शाखा/पॅनल वापरल्या जात होत्या. प्रत्येक पॅनलवर 200 ग्राहक पैज लावायचे. या माध्यमातून चंद्राकर आणि उप्पल रोज 200 कोटी रुपये कमवत होते. अंमलबजावणी संचालनालयाने नुकतेच मोठ्या प्रमाणावर छापे टाकून महादेव बेटिंग अॅपशी संबंधित ४१७ कोटी रुपयांची मालमत्ता जप्त केली होती. एकूण 39 ठिकाणी ईडीने छापे टाकले होते. कोलकाता, भोपाळ, मुंबई आदी शहरांमध्ये हे छापे पडले.

सट्टेबाजीचा व्यवसाय सुरू करण्यापूर्वी चंद्रकर छत्तीसगडमधील भिलाई येथे ज्यूसचे दुकान चालवत असे. तर उप्पल यांचे टायरचे दुकान होते. हे दोघेही दुबईला गेले आणि तेथे त्यांची भेट एका शेख आणि पाकिस्तानी नागरिकाशी झाली. त्यानंतरच महादेव बेटिंग अॅप सुरू करण्यात आले.

महादेव बेटिंग अॅप प्रकरणी कोणते बॉलिवूड ईडीच्या राडारवर ?

दीप्ती साधवानी
सुनील शेट्टी
सोनू सूद
संजय दत्त
हार्डी संधू
सुनील ग्रोव्हर
सोनाक्षी सिन्हा
रश्मिका मानधना
सारा अली खान
गुरु रंधावा
सुखविंदर सिंह
टायगर श्रॉफ
कपिल शर्मा
नुसरत बरुचा
डीजे चेतस
मलायका अरोरा
नोरा फतेही
अमित त्रिवेदी
मौनी रॉय
आफताब शिवदासानी
सोफी चौधरी
डेझी शाह
उर्वशी रौतेला
नर्गिस फाखरी
नेहा शर्मा
इशिता राज
शमिता शेट्टी
प्रीती झांगियानी
स्नेहा उल्लाल
सोनाली सहगल
इशिता दत्ता
एलनाझ
ज्योर्जिओ अॅड्रियानी