IndiaNewsUpdate : सोनिया गांधी यांची ईडी चौकशी चालू , मुंबईत काँग्रेसचे आंदोलन
नवी दिल्ली : नॅशनल हेराल्ड प्रकरणी काँग्रेसच्या हंगामी अध्यक्षा सोनिया गांधी तिसर्या फेरीच्या चौकशीसाठी ईडी कार्यालयात पोहोचल्या आहेत. त्यांच्यासोबत त्यांची मुलगी प्रियांका गांधीही आहेत. नॅशनल हेराल्ड वृत्तपत्राशी संबंधित एका प्रकरणात अंमलबजावणी संचालनालयाने काल सोनिया गांधी यांचीही चौकशी केली होती, जी ६ तास चालली होती. यापूर्वी २१ जुलै रोजी सोनिया गांधी यांची एजन्सीने चौकशी केली होती, जी सुमारे ३ तास चालली होती. यावेळी त्यांना २८ प्रश्न विचारण्यात आले.
आज ही चौकशी संपण्याची शक्यता आहे
सोनिया गांधी यांची आतापर्यंत आठ तासांहून अधिक वेळ चौकशी करण्यात आली असून, यामध्ये त्यांना ६५ ते ७० प्रश्न विचारण्यात आले आहेत. एजन्सीने आणखी ३०-४० प्रश्न विचारल्याने ही चौकशी बुधवारी संपण्याची शक्यता आहे.
ही चौकशी ‘नॅशनल हेराल्ड’ आणि ‘यंग इंडियन प्रायव्हेट लिमिटेड’ या वृत्तपत्रातील कथित आर्थिक अनियमिततेच्या आरोपांशी संबंधित आहे. अधिकाऱ्यांनी सांगितले की कोविड फ्रेंडली प्रोटोकॉलचे पालन करून चौकशी सत्र आयोजित केले जात आहेत आणि ते ऑडिओ-व्हिडिओ माध्यमातून रेकॉर्ड केले जात आहेत. दरम्यान काँग्रेसने आपल्या सर्वोच्च नेतृत्वाविरुद्ध एजन्सीच्या कारवाईचा निषेध केला आहे आणि याला “राजकीय सूड आणि छळ” असे म्हटले आहे.
मुंबईत काँग्रेसचे आंदोलन
काँग्रेसच्या हंगामी अध्यक्षा सोनिया गांधी यांना ईडीने बोलावलेल्या समन्सविरोधात काँग्रेस कार्यकर्त्यांनी मुंबईत निदर्शने केली.
#WATCH महाराष्ट्र: कांग्रेस की अंतरिम अध्यक्ष सोनिया गांधी को ED द्वारा समन किए जाने के खिलाफ कांग्रेस कार्यकर्ताओं ने मुंबई के बोरीवली रेलवे स्टेशन पर विरोध प्रदर्शन किया। pic.twitter.com/FWgNxDHafq
— ANI_HindiNews (@AHindinews) July 27, 2022