MumbaiNewsUpdate : अॅट्रोसिटी प्रकरणात केतकी चितळेला जामीन, पण राहणार जेलमध्येच …
मुंबई : अॅट्रोसिटी प्रकरणात ठाणे न्यायलयाने अभिनेत्री केतकी चितळेला जामीन मंजूर केला आहे. नवी मुंबईतील रबाळे पोलीस ठाण्यात २०२० साली अॅट्रोसेटी कायद्याअंतर्गत तिच्यावर गुन्हा दाखल करण्यात आला होता. या प्रकरणात आज ठाणे न्यायालयाने 25 हजार रुपयांच्या जातमुचलक्यावर तिला जामीन मंजूर केला आहे. दरम्यान केतकी चितळेला ठाणे कोर्टाने दिलासा दिला असला तरीही ती तुरूंगातच राहणार आहे, कारण ती आणखी एका प्रकरणात आरोपी आहे. ज्या प्रकरणात 21 जून रोजी जामीनावर सुनावणी होणार आहे.
Marathi actress Ketaki Chitale files a fresh plea before Bombay High Court. In her plea, she called her arrest illegal.
She was arrested on May 15 for allegedly sharing a derogatory post on Facebook against NCP chief Sharad Pawar.
— ANI (@ANI) June 16, 2022
राष्ट्रवादीचे नेते शरद पवार यांच्यावर आक्षेपार्ह पोस्ट केल्यामुळे तिच्या विरोधात त्या पोस्टनंतर राज्यात राष्ट्रवादीच्या कार्यकर्त्यांनी आंदोलने केली होती. त्यानंतर वेगवेगळ्या पोलीस ठाण्यांमध्ये तिच्यावर गुन्हे दाखल करण्यात आले होते. आता केतकी चितळेने आपल्याला करण्यात आलेली अटक बेकायदेशीर असल्याचे सांगत त्याविरोधात पुन्हा मुंबई उच्च न्यायालयात धाव घेतली आहे. विशेष म्हणजे तिने यापूर्वी देखील हायकोर्टामध्ये धाव घेतली होती. आता तिने पुन्हा नव्याने हायकोर्टामध्ये सुटकेसाठी अर्ज केला आहे. दरम्यान व्यक्तिस्वातंत्र्याचा भंग केल्याबद्दल आपल्याला नुकसान भरपाई मिळावी, अशी विनंती केतकीने याचिकेद्वारे केली आहे.
Thane court grants bail to Marathi actor Ketaki Chitale in a case registered against her under Atrocities Act. She has been granted bail on a surety amount of Rs 25,000. However, she'll remain in jail as she is accused in another case in which the bail hearing is on June 21.
— ANI (@ANI) June 16, 2022