BjpNewsUpdate : ‘भाजप’लाही मिळाली आता ‘भगवी टोपी’ !! मोदींच्या उपस्थितीत वर्धापन दिनी आज खास ‘लॉन्चिंग ‘…..!!

नवी दिल्ली : आज बुधवारी  भाजपचा स्थापना दिन मोठ्या उत्साहात साजरा करण्याचा निर्णय भाजपने घेतला असून या निमित्ताने पंतप्रधान नरेंद्र मोदी कार्यकर्त्यांना संबोधित करणार आहेत. चार राज्यातील भाजपचा विजय आणि राज्यसभेत भाजपने पूर्ण केलेले शतक या पार्श्वभूमीवर भाजपचा हा स्थापना दिन साजरा होत आहे. विशेष म्हणजे भाजपच्या स्थापना दिनी केवळ ध्वजच नव्हे तर यावेळी भगवी टोपीही खास आकर्षण राहणार आहे.

मंगळवारी झालेल्या भाजप संसदीय पक्षाच्या बैठकीत भाजपच्या किटमध्ये सर्व खासदारांना भगव्या टोप्या वाटण्यात आल्या. पंतप्रधान नरेंद्र मोदी यांनी यापूर्वी गुजरातमधील रोड शोमध्ये अशीच टोपी घातली होती. जी टोपी स्थापना दिनानिमित्त खासदार आणि कार्यकर्तेही टोपी घालतील. त्याचबरोबर दुसऱ्या दिवसापासून सुरू होणाऱ्या सामाजिक न्याय पंधरवड्यात गावोगाव प्रचारादरम्यानही ही भगवी टोपी सर्वसामान्य असेल.

Tomorrow, 6th April is a special day for us BJP Karyakartas. We mark the foundation day of our Party. We recall all those who have built the party and served people tirelessly. At 10 AM tomorrow will be addressing fellow Karyakartas. Do join… https://t.co/WtLWSVszkb

— Narendra Modi (@narendramodi) April 5, 2022

कार्यक्रमाची माहिती देताना पंतप्रधान नरेंद्र मोदी यांनी ट्विट केले की, ” बुधवार, ६ एप्रिल हा दिवस आमच्या भाजप कार्यकर्त्यांसाठी खास आहे. आम्ही आमच्या पक्षाचा स्थापना दिवस साजरा करतो. ज्यांनी पक्ष बांधला आणि जनतेची अथक सेवा केली त्या सर्वांची आठवण येते. उद्या सकाळी 10 वाजता मी सहकारी कार्यकर्त्यांना संबोधित करेन. सर्वजण सामील व्हा.”

7 एप्रिल ते 20 एप्रिलपर्यंत भाजपचा विशेष कार्यक्रम

मंगळवारी संसदीय पक्षाच्या बैठकीत पंतप्रधान मोदींनी पुन्हा एकदा आठवण करून दिली की, खासदारांनी जनतेपर्यंत पोहोचण्याचे मार्ग शोधले पाहिजेत. अनेक कल्याणकारी कामे केली जात आहेत. ते जनतेसमोर नेले पाहिजे. त्यांची जाणीव करून दिली पाहिजे. खरे तर 7 एप्रिल ते 20 एप्रिलपर्यंत भाजप वेगवेगळ्या योजना घेऊन देशभर प्रचार करणार आहे. यामध्ये आयुष्मान योजना, जनऔषधी केंद्र, हर घर नल जल योजना, पीएम आवास यांसारख्या योजनांबाबत खासदार आणि आमदार गावागावात पोहोचतील. आपापल्या भागातील तलावांच्या स्वच्छतेचे काम सुरू करण्याचे निर्देशही पंतप्रधानांनी दिले आहेत. यावेळी भाजपचे राष्ट्रीय अध्यक्ष जेपी नड्डा यांनी राज्यसभेत पक्षाचा आकडा शंभरी गाठल्याबद्दल अभिमान व्यक्त केला आणि विशेषत: ईशान्येकडील पक्षाच्या विकासाबद्दल बोलले. नागालँडमधून पहिल्यांदाच महिला खासदार आल्याने त्यांनी आनंद व्यक्त केला.

भगवी टोपी यंदाचे खास आकर्षण

गुजरात भाजपचे अध्यक्ष आणि पक्षाचे खासदार सीआर पाटील यांच्याकडून या निमित्ताने खास भगव्या टोप्या वाटल्याचे सांगण्यात येत आहे. साहजिकच इतर भाजपशासित राज्यांमध्येही याचे पालन केले जाणार आहे. विशेष म्हणजे दिल्लीत भाजप संसदीय पक्षाच्या बैठकीपूर्वी पक्षाचे सर्व खासदार या नव्या भगव्या टोप्यामध्ये दिसले. खरे तर चार राज्यांच्या विजयानंतर पंतप्रधान मोदींनी अहमदाबादमध्ये केलेल्या रोड शो मध्ये ही टोपी त्यावेळी घातली होती. आता ही टोपी सर्व खासदार आणि मंत्र्यांना वाटण्यात आली आहे. एवढेच नाही तर भाजप खासदारांनाही गरीब आणि कुपोषित मुलांसाठी तयार करण्यात आलेले खास चॉकलेट्सही देण्यात आले. ज्यावर पीएम मोदींचा फोटो छापलेला आहे. चार राज्यांतील निवडणुकीतील विजयानंतर भाजप पूर्णपणे वेगळ्या शैलीत दिसत आहे.

सर्वच पक्षांच्या टोप्या

या आधी काँग्रेसच्या गांधी टोपी बरोबरच ‘आप’ नेही आपल्या टोपीची ओळख निर्माण केली आहे. या शिवाय कम्युनिस्ट पक्षाचे कार्यकर्ते लाल टोपी घालताना दिसतात. समाजवादी पक्षाचीही आपली टोपी आहे. रिपब्लीकन पक्षाचे कार्यकर्ते निळी टोपी परिधान करताना दिसतात. भाजपलाही अशाच टोपीची गरज होती खरे तर त्यांची मातृसंघटना असलेल्या आरएसएस ची काळी टोपी हि खास ओळख आहे परंतु राजकीय संघटना म्हणून भाजपला या नव्या भगव्या टोपीची उणीव भासत असावी जी आता या निमित्ताने दूर झाली आहे असेच म्हणावे लागेल.