MumbaiNewsUpdate : “या ” देशातून येत असाल तर प्रवाशांना उद्यापासून आरटीपीसीआर चाचणी बंधनकारक
मुंबई : मुंबईत इंग्लंड, युरोप, मध्य पूर्व, दक्षिण आफ्रिका, ब्राझिल, बांगलादेश, बोत्स्वाना, चीन, मॉरिशस, न्यूझीलंड, झिम्बाब्वेमधून मुंबई विमानतळावर येणाऱ्या प्रवाशांना आरटीपीसीआर चाचणी बंधनकारक करण्याचा निर्णय पालिकेने घेतला आहे. त्याची अमलबजावणी उद्या, शुक्रवारपासून केली जाणार आहे.
कोरोना विषाणूचे नवीन प्रकार वेगाने पसरत असल्याने भारतात विमानमार्गे येणाऱ्या आंतरराष्ट्रीय प्रवाशांविषयी केंद्र सरकारने नवीन मार्गदर्शक सूचना जारी केल्या आहेत. त्यानुसार मुंबईत विमानाने येणाऱ्या प्रवाशांसाठी नवीन नियमावली जाहीर केली आहे. सरकारच्या नवीन मार्गदर्शक सूचनांनुसार, आंतरराष्ट्रीय विमान प्रवाशांसाठी संस्थात्मक विलगीकरणाची तरतूद रद्द केली आहे. असे असतानाच आंतरराष्ट्रीय प्रवाशांसाठी नवीन मार्गदर्शक सूचनांनुसार निर्णय घेण्यात आला आहे. त्याचप्रमाणे, यापूर्वी ६५ वर्षे वयावरील ज्येष्ठ नागरिक आदींसह ज्यांनी करोनाच्या दोन्ही मात्रा घेतल्या आहेत, त्यांनाही आरटीपीसीआर चाचणी बंधनकारक आहेत. यापूर्वीच्या नियमात या घटकांना चाचण्यांसाठी अपवाद केला होता.
या नियमानुसार ३ सप्टेंबरपासून ज्या देशातील प्रवाशांना आरटीपीसीआर चाचणी करण्यात आली त्यांना वगळता विमानतळावर येणाऱ्या अन्य प्रवाशांना गेल्या ७२ तासांतील निगेटिव्ह आरटीपीसीआर चाचणी अहवाल सादर करणे आवश्यक आहे. तसा अहवाल सादर करणाऱ्या प्रवाशांना विमानतळावर नव्याने चाचणी करण्याची आवश्यकता राहणार नाही. दरम्यान विमानतळावर चाचणी करण्यासाठी प्रतिचाचणी ६०० रुपये आकारले जाणार आहेत. त्यासाठी, प्रति तास सुमारे ६०० प्रवाशांची चाचणी करता येईल, इतकी क्षमता ठेवली जाणार आहे.