महाराष्ट्र विधानसभा २०१९ : मनसेचे रेल्वे इंजिन धावणार, २७ जणांची पहिली यादी जाहीर , धर्मा पाटील यांचे चिरंजीव नरेंद्र पाटील मैदानात

महाराष्ट्र विधानसभेसाठी मनसेचे इंजिनही धणार असून पहिल्या यादीत मनसेने २७  इणांची उमेदवारी घोषित केली आहे . मनसेने २७ जणांची यादी जाहीर केली आहे. या यादीत मंत्रालयात विषप्राशन करणारे शेतकरी धर्मा पाटील यांचे चिरंजीव नरेंद्र पाटील यांच्यासह  आजी-माजी आमदार आणि नगरसेवकांचाही समावेश आहे. मात्र या यादीत माजी आमदार बाळा नांदगावकर आणि नितीन सरदेसाई यांचा समावेश नसल्याचे दिसत आहे.

या यादीमध्ये धर्मा पाटील यांचे चिरंजीव नरेंद्र धर्मा पाटील यांना सिंदखेडामधून उमेदवारी देण्यात आली आहे. तर प्रमोद पाटील यांना कल्याण ग्रामीणमधून, प्रकाश भोईर यांना कल्याण पश्चिममधून, माजी नगरसेवक संदीप देशपांडे यांना माहीममधून उमेदवारी देण्यात आली आहे. या शिवाय मनसेच्या विद्यार्थी संघटनेचे नेते गजानन काळे यांना बेलापूरमधून उमेदवारी देण्यात आली आहे. कसबा पेठेतून मनसेचे शहराध्यक्ष अजय शिंदे, हडपसरमधून पुणे महापालिकेतील मनसेचे गटनेते वसंत मोरे, कोथरूडमधून अॅड. किशोर शिंदे आणि शिवाजीनगरमधून सुहास निम्हण यांची उमेदवारी जाहीर करण्यात आली आहे.

दरम्यान, ४ ऑक्टोबर रोजी उमेदवारी अर्ज भरण्याचा शेवटचा दिवस आहे. त्यानंतर मनसे अध्यक्ष राज ठाकरे ५ ऑक्टोबरपासून सभांचा धडाका लावणार आहेत. ‘ईडी’च्या चौकशीनंतर राज ठाकरे विधानसभा निवडणूक लढण्याच्या मन:स्थितीत नसल्याचे बोलले जात होते. मात्र, पक्ष टिकवायचा असेल तर निवडणूक लढलीच पाहिजे, असा पदाधिकारी व कार्यकर्त्यांचा आग्रह होता. त्यामुळं मनसेमध्ये त्याबाबत गांभीर्यानं खल झाला. अखेर राज यांनी निवडणूक लढण्याचा निर्णय घेतला. मनसेच्या मेळाव्यात तशी अधिकृत घोषणा केल्यानंतर राज यांनी आज उमेदवारांची पहिली यादीही जाहीर केली आहे. त्यामुळे यंदा विधानसभेला चौरंगी लढत पाह्यला मिळणार आहे.

मनसेचे पहिल्या यादीत घोषित केलेले उमेदवार

>> प्रमोद पाटील – कल्याण ग्रामीण

>> प्रकाश भोईर – कल्याण पश्चिम

>> अशोक मुर्तडक – नाशिक पूर्व

>> संदीप देशपांडे – माहिम

>> वसंत मोरे – हडपसर

>> किशोर शिंदे – कोथरुड

>> नितीन भोसले – नाशिक मध्य

>> राजू उंबरकर – वणी

>> अविनाश जाधव – ठाणे

>> नयन कदम – मागाठाणे

>> अजय शिंदे – कसबा पेठ, पुणे

>> नरेंद्र धर्मा पाटील – सिंदखेड

>> दिलीप दातीर – नाशिक पश्चिम

>> योगेश शेवेरे- इगतपुरी

>> कर्णबाळा दुनबळे – चेंबूर

>> संजय तुर्डे – कलिना

>> सुहास निम्हण – शिवाजीनगर

>> गजानन काळे – बेलापूर

>> अतुल बंदिले – हिंगणघाट

>> प्रशांत नवगिरे – तुळजापूर

>> राजेश वेरुणकर – दहीसर

>> अरुण सुर्वे – दिंडोशी

>> हेमंत कांबळे – कांदिवली पूर्व

>> वीरेंद्र जाधव – गोरेगाव

>> संदेश देसाई – वर्सोवा

>> गणेश चुक्कल – घाटकोपर पश्चिम

>> अखिल चित्रे- वांद्रे पूर्व