Jammu and Kashmir : भारताच्या हद्दीत घुसू पाहणाऱ्या ५ ते ७ घुसखोरांचा खातमा
Jammu & Kashmir: In the last 36 hours, Indian Army has foiled an infiltration attempt by a Pakistani BAT (Border Action Team) squad in Keran Sector. 5-7 Pakistani army regulars/terrorists eliminated, their bodies are lying on the LoC, not retrieved yet due to heavy firing. pic.twitter.com/mYscvr78C1
— ANI (@ANI) August 3, 2019
जम्मू-काश्मीरच्या केरन सेक्टरमध्ये घुसखोरी करण्याचा पाकिस्तानी बॉर्डर अॅक्शन टीम (बॅट) आणि अतिरेक्यांचा प्रयत्न भारतीय जवानांनी उधळून लावला आहे. नियंत्रण रेषेवर घुसखोरी करणाऱ्या या ५ ते ७ अतिरेक्यांना भारतीय जवानांनी कंठस्नान घातलं असून त्यात पाकिस्तानच्या बॅट कमांडोंचाही समावेश असल्याचं सूत्रांनी सांगितलं. विशेष म्हणजे अतिरेकी आणि या कमांडोंचे मृतदेह अद्यापही नियंत्रण रेषेवरच पडून असल्याचंही सूत्रांनी सांगितलं.
या चकमकीनंतर भारतीय जवानांनी पुरावा म्हणून सॅटेलाइटद्वारे नियंत्रण रेषेवर अद्यापही पडून असलेल्या चारही अतिरेक्यांच्या मृतदेहाचे फोटो काढले आहेत. गेल्या २४ ते ३६ तासांपूर्वी भारतीय जवानांनी ही कारवाई केली आहे. पाकिस्तानकडून नियंत्रण रेषेवर सातत्याने शस्त्रसंधीचं उल्लंघन केलं जात आहे. भारतीय सैन्याला गोळीबार करण्यात अडकवून ठेवून जैश ए मोहम्मदच्या अतिरेक्यांची भारतात घुसखोरी करण्याचा पाकिस्तानी सैन्याचा डाव आहे. त्याचाच एक भाग म्हणून ३१ जुलै आणि १ ऑगस्टच्या दरम्यान बॅट कमांडोंच्या सहाय्याने पाकिस्तानने अतिरेक्यांची भारतात घुसखोरी करण्याचा प्रयत्न केला. मात्र भारतीय जवानांनी पाकिस्तानाचे हे प्रयत्न हाणून पाडत ५ ते ७ अतिरेक्यांचा खात्मा केला. या कारवाईनंतरही या अतिरेक्यांचे मृतदेह नियंत्रण रेषेवरच पडून आहेत. भारताने हे मृतदेह ताब्यात घेऊ नये म्हणूनही पाकिस्तानकडून नियंत्रण रेषेवर सातत्याने गोळीबार केला जात आहे.