राष्ट्रीय जलतरणपटू साहिल जोशीची आत्महत्या

राष्ट्रीय जलतरणपटू साहिल जोशी (वय २१) याने कोथरूड परिसरातील परमहंस नगर येथे राहत्या घरात गळफास घेऊन आत्महत्या केली. शुक्रवारी दुपारी ही घटना घडली. याप्रकरणी कोथरूड पोलिस ठाण्यात अकस्मात मृत्यूची नोंद करण्यात आली आहे. राष्ट्रीय जलतरणपटूच्या या आत्महत्येने क्रीडा क्षेत्र हादरले आहे.

साहील हा आई वडिलांसोबत कोथरूडमधील परमहंस नगर येथे राहत होता. तो सध्या एमबीबीएसच्या दुसऱ्या वर्षाला शिकत होता. साहिलने शुक्रवारी खोलीचा दरवाजा आतून लावून घेतला होता. बराच वेळ झाला तरी त्याने दरवाजा उघडला नाही. त्यामुळे त्याच्या आई-वडिलांनी आवाज दिला. पण, त्याने दरवाजा न उघडल्यामुळे दरवाजा तोडून ते आतमध्ये शिरले. त्यावेळी साहीलने पंख्याला गळफास घेतल्याचे आढळून आले. घटनेची माहिती मिळताच कोथरूड पोलिसांनी घटनास्थळी धाव घेतली. याप्रकरणी अकस्मात मृत्यूची नोंद करण्यात आली आहे.