RanaNewsUpdate : हनुमान चालीसा विवाद : राणा दाम्पत्याला अखेर जामीन मंजूर
मुंबई : हनुमान चालिसा वादानंतर चर्चेत आलेले महाराष्ट्राचे आमदार रवी राणा आणि खासदार नवनीत कौर राणा यांना दिलासा देणारी बातमी आहे. एएनआय या वृत्तसंस्थेने दिलेल्या माहितीनुसार, सत्र न्यायालयाने त्याला अटींसह जामिनावर सोडण्याची परवानगी दिली आहे.
महाराष्ट्राचे मुख्यमंत्री उद्धव ठाकरे यांच्या घराबाहेर हनुमान चालीसाचे पठण केल्याची घोषणा केल्यानंतर कायदा आणि सुव्यवस्था आणि देशद्रोहाच्या आरोपाखाली दोघांना अटक करण्यात आली होती आणि दोघेही तब्बल १२ दिवस तुरुंगात होते. तुरुंगातून बाहेर येताच पाठदुखीच्या त्रासामुळे खासदार नवनीत राणा यांना जेजे रुग्णालयात दाखल करण्यात आले आहे.
Maharashtra | MLA Ravi Rana and MP Navneet Kaur Rana are allowed to be released on bail by the sessions court with conditions.
— ANI (@ANI) May 4, 2022
या दोघांच्याही जामीन अर्जाला महाराष्ट्र सरकारने कडाडून विरोध केला होता. राज्य सरकार पाडण्याचे षडयंत्र खासदाराच्या वतीने रचले जात असल्याचे सरकारी वकिलांनी सांगितले होते. सरकार पडावे, अशी परिस्थिती निर्माण करण्याचा त्यांच्या हेतू असल्याचे ते म्हणाले होते. इतर अनेक प्रकरणातही पती-पत्नी दोघांवर अनेक गुन्हे दाखल आहेत. त्यांच्यावर खुनाचा गुन्हाही दाखल आहे.
त्याचवेळी आरोपी पक्षाचे वकील आबाद पोंडा यांनी सांगितले की, आमच्या अशिलाचा हेतू कोणत्याही प्रकारे हिंसाचार करण्याचा नव्हता. आम्ही फक्त प्रार्थना करणार होतो. तो लाऊडस्पीकरवर हनुमान चालिसाचा पाठ करणार असल्याचे रिमांडमध्ये किंवा जबाबात कुठेही नमूद नाही. आम्ही तिथे शांततेने पठण करणार होतो. आम्ही समर्थकांनाही बोलावले नाही, म्हणजे जमाव बोलावला नाही. आमचा हिंसाचाराचा कोणताही हेतू नव्हता. आम्ही हनुमान चालिसा वाचणार होतो. आम्ही कोणत्याही मशिदीसमोरून जात नव्हतो. स्वतः हिंदू असलेल्या आणि हिंदुत्वाचे नेते असलेल्या मुख्यमंत्र्यांच्या वैयक्तिक निवासस्थानासमोर. हा देशद्रोह कसा होतो? हे सरकारला कसे धोक्यात आणू शकते?
दरम्यान न्यायालयाने दोन्हीही वकिलांचा युक्तिवाद ऐकल्यानंतर राणा दाम्पत्याला जामीन मंजूर केला त्यामुळे राणा दाम्पत्याला दिलासा मिळाला आहे. न्यायालयाने सदर जामीन देताना राणा दांपत्याने पोलिसांना तपासात सहकार्य करावे, प्रसिद्धी माध्यमांना बोलू नये, पोलिसांनी त्यांची चौकशी करण्यापूर्वी त्यांना २४ तासांची नोटिस द्यावी आशा सूचना दिल्या आहेत.