RussiaUkraineWar : Latest Update : युद्ध पेटलेले असताना अमेरिकेने घेतला ‘हा’ निर्णय…
वॉशिंग्टन : युक्रेनच्या मदतीसाठी अमेरिका, इंग्लंड आदी मोठे देश येतील असे चित्र निर्माण केले गेले असले तरी अमेरिकेने रशियाविरुद्ध थेट युद्धात न उतरण्याचा निर्णय घेतला आहे. मात्र युक्रेनला ६०० मिलियन डॉलर्सचे अर्थसहाय्य आणि युक्रेनियन लोकांचे दुःख कमी करण्यासाठी अमेरिका मानवतावादी मदत देईल असे म्हटले आहे. दरम्यान रशियाचे अध्यक्ष व्लादिमीर पुतिन यांनी नॉर्थ अटलांटिक ट्रीटी ऑर्गनायझेशन (नाटो) देशांमध्ये प्रवेश केल्यास अमेरिका हस्तक्षेप करेल, असा इशाराही अमेरिकेचे अध्यक्ष जो बायडेन यांनी दिला आहे. तर युक्रेनने रशियाच्या ८०० सैनिकांना ठार मारल्याचा दावा करण्यात आला आहे.
दरम्यान बायडेन यांनी आग्रह धरला की जर थांबायला हवे. पुतिन यांच्याशी बोलण्याची किंवा चर्चा करण्याची त्यांची कोणतीही योजना नाही, परंतु युक्रेनचे अध्यक्ष व्होलोडिमिर झेलेन्स्की यांच्याशी बोलून त्यांनी आश्वासन दिले की युक्रेनियन लोकांचे दुःख कमी करण्यासाठी अमेरिका मानवतावादी मदत देईल. बायडेन यांनी गुरुवारी व्हाईट हाऊसमध्ये पत्रकार परिषदेत सांगितले होते की, जर ते (पुतिन) नाटो देशांमध्ये प्रवेश करत असतील तर आम्ही हस्तक्षेप करू. मला फक्त एकाच गोष्टीची खात्री आहे की आपण त्यांना आता थांबवले नाही आणि त्यांच्यावर कडक निर्बंध लादले नाही तर त्यांना प्रोत्साहन मिळेल. त्यामुळे या काळात रशियावर अनेक मोठे निर्बंध लादण्याची घोषणाही बायडेन यांनी केली. एका प्रश्नाच्या उत्तरात ते म्हणाले की, याला मोठ्या संघर्षाचे स्वरूप आले आहे. युक्रेनवरील रशियन आक्रमणादरम्यान, अमेरिकेने आपल्या नाटो सहयोगींच्या संरक्षणासाठी, विशेषतः पूर्व युरोपमध्ये अतिरिक्त सैन्य तैनात केले आहे. युक्रेनमध्ये पुतिन यांच्या महत्त्वाकांक्षा प्रचंड असल्याचा दावा बायडेन यांनी केला.
रशियाचे ८०० सैनिक ठार मारल्याचा युक्रेनचा दावा
विशेष म्हणजे रशियन सैन्याने गुरुवारी युक्रेनविरुद्ध लष्करी कारवाई सुरू केली, जी शुक्रवारीही सुरूच आहे. रशियाच्या पश्चिमेकडील शेजारी देश असलेल्या युक्रेनला रशियाच्या विरोधात युद्धाचा सामना करावा लागत आहे.दरम्यान युक्रेनच्या संरक्षण मंत्रालयाने शुक्रवारी सकाळी उपमंत्री हाना मल्यार यांचा हवाला देत ८०० रशियन सैनिक मारल्याचा दावा केला. एका अधिकृत ट्विटद्वारे मंत्रालयाने म्हटले आहे की, युक्रेनने ७ रशियन विमाने, हेलिकॉप्टर, ३० हून अधिक टाक्या, बीबीएमच्या १३० हून अधिक युनिट्स नष्ट केल्या आहेत. एएफपी या वृत्तसंस्थेने दिलेल्या माहितीनुसार, रशियन सैन्य राजधानीजवळ येत आहे. युक्रेनच्या सैन्याने आपल्या सत्यापित फेसबुक पृष्ठावर म्हटले आहे की रशियाने कीवमधील नागरी भागात गोळीबार केला, परंतु युक्रेनच्या हवाई संरक्षण यंत्रणेने वाटेत “दोन प्राणघातक हल्ले ” यशस्वीरीत्या रोखले.
दरम्यान युक्रेनचे राष्ट्राध्यक्ष वोलोडिमिर झेलेन्स्की यांनी गुरुवारी एका व्हिडिओ संदेशात सांगितले होते की, रशियन हल्ल्यात युक्रेनमध्ये १३७ लोक मारले गेले असून 300 हून अधिक जखमी झाले आहेत.