CoronaIndiaUpdate : देशात ४२ हजार ७६६ नव्या कोरोनाबाधित रुग्णांची नोंद

नवी दिल्ली : देशात शुक्रवारी ४२ हजार ७६६ कोरोनाबाधित रुग्णांची नोंद झाली असून एकूण कोरोनाबाधित रुग्णांची संख्या ३ कोटी ०७ लाख ९५ हजार ७१६ वर गेली आहे. तर देशातील सक्रिय रुग्णांची संख्या ४ लाख ५५ हजार ०३३ इतकी झाली असून त्यांच्यावर उपचार सुरु असल्याचे आरोग्य विभागाच्या वतीने सांगितले.

दरम्यान, गेल्या २४ तासांत कोरोनामुळे १२०६ जणांच्या मृत्यूची नोंद करण्यात आली. देशातील मृतांची एकूण संख्या ४ लाख ०७ हजार १४५ वर पोहचली असून
शुक्रवारी ४५ हजार २५४ रुग्णांना रुग्णालयातून डिस्चार्ज देण्यात आला. त्यामुळे को रोनावर मात करणाऱ्या रुग्णांची एकूण संख्या २ कोटी ९९ लाख ३३ हजार ५३८ वर झाली आहे.

एक नजर
एकूण रुग्णांची संख्या : ३ कोटी ०७ लाख ९५ हजार ७१६
एकूण बरे झालेली रुग्णसंख्या : २ कोटी ९९ लाख ३३ हजार ५३८
सक्रिय रुग्ण : ४ लाख ५५ हजार ०३३
एकूण मृत्यू : ४ लाख ०७ हजार १४५
एकूण कोरोना लसीचे डोस घेणारी संख्या : ३७ कोटी २१ लाख ९६ हजार २६८