Maharashtra Politics | Live News Updates : शिवसेना -काँग्रेस आणि राष्ट्रवादी मिळूनच बनवणार नवे सरकार , शरद पवार , उद्धव ठाकरे यांच्या संपर्कात

शिवसेनेला पाठिंबा देण्यासंदर्भात उद्धव ठाकरे आणि सोनिया गांधी यांच्यात फोनवरून चर्चा झाल्याचे वृत्त असून लवकरच काँग्रेस आपला निर्णय जाहीर करण्याची शक्यता आहे.

शिवसेनेला पाठिंबा देण्यासंदर्भातील राष्ट्रवादी थोड्याच वेळात निर्णय जाहीर करणार

भाजपने सरकार बनविण्यास असमर्थता व्यक्त करताच भाजपला पाठिंबा दिलेल्या अपक्षांनी सेनेकडे धाव घेतली आहे.

शिवसेना नेते ५.३० वाजता राज्यपालांची भेट घेणार

Delhi: Congress leaders AK Antony and Ahmed Patel arrive at 10 Janpath (Congress Interim President Sonia Gandhi's residence). Party's Maharashtra leaders have been called to Delhi for further discussions over the political situation in Maharashtra, the meeting to be held shortly. pic.twitter.com/J7NOuVshyS

— ANI (@ANI) November 11, 2019

दिल्लीत सोनिया गांधी यांच्या निवासस्थानी महत्त्वाची बैठक; अहमद पटेल, मल्लिकार्जुन खर्गे, राजीव सातव, मुकुल वासनिक यांच्यासह महाराष्ट्रातील नेते उपस्थित

काॅंग्रेसनेते अहमद पटेल आणि शिवसेनेचे मिलिंद नार्वेकर, आणि अनिल देसाई यांची बैठक सुरु

महाराष्ट्रातील ७ प्रमुख नेत्यांशी सोनिया गांधीची चर्चा आणि या संवादाची शक्यता.
१. सुशीलकुमार शिंदे : युती नको.
२. बाळासाहेब थोरात : मॅडम देतील तो आदेश
३. अशोक चव्हाण : : मॅडम देतील तो आदेश.
४. पृथ्वीराज चव्हाण : युती नको.
५. विजय वडेट्टीवार : : मॅडम देतील तो आदेश.
६. मल्लिकार्जुन खरगे : : मॅडम देतील तो आदेश.
अंतीम निर्णय : सोनिया गांधी आणि CWC

सोनिया गांधी यांचे मन वळविण्याचे राज्यातील नेत्यांचे प्रयत्न

काॅंग्रेसची काही अटी-शर्तीवर नव्या सरकारला पाठिंबा देण्याची तयारी, पण आतून कि बाहेरुन हा निर्णय होणे बाकी.

शरद पवार आणि उद्धव ठाकरे यांची बैठक संपली असून या बैठकीत ठाकरे यांनी आपला अधिकृत प्रस्ताव शरद पवार यांना दिला आहे. या दोन नेत्यांमध्ये तब्बल पाऊण तास चर्चा झाली असून काॅंग्रेसचा निर्णय झाल्यानंतरच राष्ट्रवादी काँग्रेस आपली भूमिका उघड करणार आहे.

शरद पवार आणि उद्धव ठाकरे यांच्यात चर्चा सुरू

शिवसेना दुपारी राज्यपालांना भेटणार , उद्धव आणि आदित्य ठाकरे शरद पवारांच्या भेटीला

राज्यपाल कोश्यारी यांनी काल शिवसेनेला सत्ता स्थापनेसाठी निमंत्रण दिल्यानंतर सस्ता स्थापनेच्या हालचाली वाढली आहेत. दरम्यान शिवसेनेचे केंद्रातील मंत्री अरविंद सावंत यांनी राजीनामा दिला आहे, तर आज दिवसभरात काँग्रेस, राष्ट्रवादी काँग्रेस, शिवेसना आणि भाजपच्या बैठकाही होत आहेत.

उद्धव, आदित्य ठाकरे शरद पवार यांच्या भेटीसाठी रवाना झाले असून राष्ट्रवादीने मात्र कॉंग्रेसचा निर्णय येईपर्यंत कुठलाही निर्णय जाहीर न करण्याचे ठरविले असल्याची माहिती पक्षाचे प्रवक्ते आ. नवाब मलिक यांनी दिली आहे.

या क्षणापर्यंत तरी कुठलीही ठोस बातमी नसली तरी शिवसेना दुपारी अडीच वाजता राज्यपालांची भेट घेऊन चर्चा करणार आहेत . सेनेला त्यांनी यादी देण्यास २४ तास तर भाजपला ७२ तास दिले होते त्यामुळे एक तर बहुमत सिद्ध करण्यासाठी आणि आमदारांच्या सह्या घेण्यासाठी वेळ वाढवून देण्याची त्यांची मागणी असेल किंवा आपल्याकडे असलेल्या आमदारांच्या सह्यांचे निवेदन टे राज्यपालांकडे सादर करतील असे सांगण्यात येत आहे .

त्यामुळे सत्ता स्थापनेसाठी शिवसेनेला पाठिंबा देण्याबाबतचा आपला निर्णय काँग्रेस आणि राष्ट्रवादी काँग्रेस पक्ष आज संध्याकाळी जाहीर करणार आहेत. काँग्रेस पक्षाच्या दिल्लीत पार पडलेल्या कोअर कमिटीच्या बैठकीत शिवसेनेला पाठिंबा देण्याबाबत अंतिम निर्णय घेतला नसल्याचे काँग्रेस नेते मल्लिकार्जुन खरगे यांनी स्पष्ट केले आहे.

या मुद्द्यावर चर्चा करण्यासाठी काँग्रेस पक्षाने राज्यातील वरिष्ठ काँग्रेस नेत्यांना दिल्लीत बोलावले आहे. त्यांच्याशी चर्चा केल्यानंतरच काँग्रेस आपला निर्णय जाहीर करेल असे मल्लिकार्जुन यांनी स्पष्ट केले आहे.

काँग्रेसची राज्यातील वरिष्ठ नेत्यांची पुढील बैठक आज संध्याकाळी ४ वाजता होणार असून त्यानंतर काँग्रेस आपला निर्णय जाहीर करणार आहे. काँग्रेसचा हा निर्णय लक्षात घेता राष्ट्रवादी काँग्रेसने आपली पत्रकार परिषद रद्द केली.

दरम्यान, राष्ट्रवादी काँग्रेस पक्षानेही आपला निर्णय लांबणीवर टाकला असून काँग्रेसने निर्णय घेतल्यानंतर राष्ट्रवादी काँग्रेस पक्ष आपली भूमिका एकमताने जाहीर करेल,असे राष्ट्रवादी काँग्रेसचे प्रवक्ते नवाब मलिक यांनी पत्रकारांना सांगितले.