WorldNewsUpdate : चर्चेतली बातमी : चीनचे राष्ट्राध्यक्ष शी जिनपिंग यांच्या नजर कैदेची चर्चा , काय आहे वास्तव ?
नवी दिल्ली : चीनचे राष्ट्राध्यक्ष शी जिनपिंग यांना नजरकैदेत ठेवण्यात आल्याच्या अनेक बातम्या इंटरनेटवर शेअर केल्या जात आहेत. सोशल मीडियावरील अनेक पोस्टनुसार, शी जिनपिंग यांना चीनच्या पीपल्स लिबरेशन आर्मी (पीएलए) च्या प्रमुख पदावरून हटवण्यात आले असून त्यांना नजरकैदेत ठेवण्यात आले आहे.मात्र , चीनमधील सत्ताधारी कम्युनिस्ट पार्टी किंवा राज्य माध्यमांनी अद्याप या वृत्ताला अधिकृत दुजोरा दिलेला नाही आणि या अफवांचे खंडणही केलेले नाही.
शी जिनपिंग नुकतेच उझबेकिस्तानमध्ये शांघाय कोऑपरेशन ऑर्गनायझेशन (SCO) शिखर परिषदेत सहभागी झाले होते. येथे त्यांनी इतर अनेक राष्ट्रप्रमुखांशी संवाद साधला. यादरम्यान, २०२० मध्ये भारत आणि चीन यांच्यातील सीमेवर झालेल्या चकमकीनंतर ते प्रथमच पंतप्रधान नरेंद्र मोदी यांच्याशी समोरासमोर आले.
दरम्यान शनिवारी अनेक ट्विटर वापरकर्त्यांनी शी यांच्या कथित नजरकैदेबद्दल पोस्ट केले. काहींनी असा दावा केला की हा लष्करी उठाव आहे आणि पीएलएची वाहने आधीच राजधानी बीजिंगकडे जात आहेत. जेनिफर झेंग नावाच्या व्यक्तीने ट्विट केले आहे कि , “#PLA लष्करी वाहने २२ सप्टेंबर रोजी #Beijing ला जात आहेत. हा काफिला बीजिंगजवळील हुआनलाई काउंटीपासून सुरू होतो आणि हेबेई प्रांतातील झांगजियाकौ शहरात संपतो. संपूर्ण काफिला ८० किमी लांब आहे. दरम्यान, अफवा पसरली आहे की #XiJinping यांना CCP च्या वरिष्ठांनी PLA च्या प्रमुखपदावरून हटवल्यानंतर त्यांना नजरकैदेत ठेवण्यात आले आहे.
#PLA military vehicles heading to #Beijing on Sep 22. Starting from Huanlai County near Beijing & ending in Zhangjiakou City, Hebei Province, entire procession as long as 80 KM. Meanwhile, rumor has it that #XiJinping was under arrest after #CCP seniors removed him as head of PLA pic.twitter.com/hODcknQMhE
— Inconvenient Truths by Jennifer Zeng 曾錚真言 (@jenniferzeng97) September 23, 2022
दुसरा व्यक्ती गॉर्डन जी चांग म्हणाला कि, “बीजिंगला जाणाऱ्या लष्करी वाहनांचा हा व्हिडिओ देशातील ५९ टक्के उड्डाणे बंद झाल्यानंतर आणि वरिष्ठ अधिकाऱ्यांना तुरुंगात टाकल्यानंतरचा आहे. याचा अर्थ आत कुठेतरी आग लागली आहे. चीन अस्थिर आहे.”
काही चिनी तज्ञांचा दावा आहे की सोशल मीडियावरील पोस्टवर चीनमध्ये सत्तापालट होण्याची चिन्हे नाहीत. चिनी तज्ज्ञ आदिल ब्रार म्हणाले की, शी जिनपिंग उझबेकिस्तानहून परत आल्यानंतर त्यांना क्वारंटाईन ठेवता येऊ शकते, त्यामुळे सार्वजनिक कामकाजात त्यांची अनुपस्थिती दिसत आहे. शी जिनपिंग यांच्या अटकेबाबतच्या अटकेनंतर चीनने या आठवड्याच्या सुरुवातीला दोन माजी मंत्र्यांना फाशीची शिक्षा सुनावली. जन्मठेपेची शिक्षा झालेले दोन मंत्री आणि इतर चार अधिकारी हे एका ‘राजकीय गटातील’ भाग असल्याचे सांगण्यात येत आहे.