IndiaNewsUpdate : देशातील ४ राज्यांपाठोपाठ या पाचव्या राज्यातही दिवाळीत फटाक्यांवर बंदी
Reviewed corona situation in Del n preparedness wid Chief Secy, Health officials and all DMs. Corona cases hv increased due to festival season n pollution. It was decided to
1. Ban crackers in Del
2. Ramp up medical infra, Oxy n ICU beds are being increased in Del govt hospis
— Arvind Kejriwal (@ArvindKejriwal) November 5, 2020
राजस्थान, पश्चिम बंगाल, ओडिशा आणि हरियाणा या राज्यांच्या पाठोपाठ कोरोनाच्या पार्श्वभूमीवर दिल्ली सरकारनेही दिवाळीत फटाक्यांवर बंदीचा निर्णय घेतला आहे. दिल्लीचे मुख्यमंत्री अरविंद केजरीवाल यांनी ही माहिती दिली आहे. कोरोनास्थितीचा आढावा घेतल्यानंतर अरविंद केजरीवाल यांनी राजधानीत फटाक्यांवर बंदी घालण्याचा आणि रुग्णालयांमध्ये वैद्यकीय पायाभूत सुविधा उभारण्याचा निर्णय घेतला. याआधी अरविंद केजरीवाल यांनी दिल्लीकरांना दिवाळीत फटाके फोडू नका असं आवाहन केलं होतं परंतु आता सरकारनेच फटाकेबंदीचा निर्णय घेतला आहे.
दिल्लीत वाढत चाललेला कोरोनाचा संसर्ग , सध्या सुरु असलेला सणांचा हंगाम आणि प्रदूषण यामुळे हा निर्णय घेतल्याचे अरविंद केजरीवाल यांनी म्हटले आहे. मुख्य सचिव, आरोग्य विभागाचे अधिकारी आणि दंडाधिकाऱ्यासोबत कोरोना आढावा बैठकीनंतर बोलताना त्यांनी ही माहिती दिली. दिल्लीमध्ये गेल्या काही दिवसांपासून करोना रुग्णसंख्या वाढत असल्याचं दिसत आहे. बुधवारी सलग दुसऱ्या दिवशी दिल्लीत दिवसाला सहा हजाराहून जास्त रुगांची नोंद झाली.
मुख्यमंत्री अरविद केजरीवाल यांनी ट्विटमध्ये दिलेल्या माहितीनुसार, “मुख्य सचिव, आरोग्य विभागाचे अधिकारी आणि दंडाधिकाऱ्यासोबत करोनास्थितीचा आढावा घेतला. सणांचा काळ आणि प्रदूषण यामुळे करोना रुग्णसंख्या वाढत आहे. त्यामुळे फटाक्यांवर बंदी तसंच वैद्यकीय पायाभूत सुविधा वाढवण्याचा निर्णय घेण्यात आला आहे. दिल्लीमधील सरकारी रुग्णालयांमध्ये ऑक्सिजन आणि आयसीयू बेडही वाढवले जाणार आहेत”.