शिवजयंती साजरी करण्यासाठी किल्ल्यावर गेलेल्या तरुणीचा मृत्यू
मुंबईहून छत्रपती शिवाजी महाराज यांची जयंती साजरी करण्यासाठी आलेल्या २० वर्षीय तरुणीचा जुन्नरजवळ असलेल्या हडसर किल्ल्यावरुन पडून मृत्यु झाल्याची दुःखद घटना घडली आहे. बुधवारी सकाळच्या सुमारास ही घटना घडली. ही तरुणी मुंबईची रहिवासी असून ती मित्रांसोबत शिवजयंती साजरी करण्यासाठी हडसर किल्ल्यावर केल्याची माहिती मिळाली आहे. या घटनेमुळे शिवजंयतीच्या उत्सवावर विरजण पडले आहे.
याबाबत मिळालेली माहिती अशी की, मुंबई येथील एक गट शिवजयंती साजरी करण्यासाठी जुन्नर जवळील हडसर किल्ल्यावर आली होती. या गटातील एका तरुणीचा किल्ल्यावरून पडून मृत्यू झाला. ही घटना सकाळी ११.३० ते १२ वाजेच्या सुमारास घडला. घटनेची माहिती मिळताच पोलिस घटनास्थळी दाखल झाले. पोलिसांनी मृत तरुणीच्या कुटुंबीयांना माहिती दिली आहे.