भविष्य निर्वाह निधीवरील व्याज आता ८.६५ टक्के करण्याचा निर्णय
The President, Shri Pranab Mukherjee administering the oath as Minister of State (Independent Charge) to Shri Santosh Kumar Gangwar, at a Swearing-in Ceremony, at Rashtrapati Bhavan, in New Delhi on May 26, 2014.
कर्मचाऱ्यांच्या भविष्य निर्वाह निधीवर (ईपीएफ) २०१८-१९ या आर्थिक वर्षासाठी ८.६५ टक्के व्याज मिळणार आहे. या विषयी लवकरच एक अधिसूचना काढण्यात येईल, अशी माहिती केंद्रीय कामगारमंत्री संतोष गंगवार यांनी शुक्रवारी दिली.
कामगार मंत्रालयाने यापूर्वीच हा दर मंजूर केला आहे. मात्र त्यास अर्थ मंत्रालयाची अंतिम मंजुरी मिळाली नसल्याने या दराची अंमलबजावणी झाली नसल्याचे समजते. मात्र या प्रकरणी केंद्रीय अर्थ मंत्रालयाची वेगळी भूमिका नाही. त्यांनाही हा दर मान्य आहे, असे गंगवार यांनी सांगितले.
ईपीएफच्या सहा कोटी सदस्यांना या वाढीव व्याजदराचा लाभ होईल. २०१७-१८ या आर्थिक वर्षासाठी पीएफच्या जमा रकमेवर ८.५५ टक्के व्याज देण्यात आले होते.