Modi Sarkar 2 : अमित शहा देशाचे नवे गृहमंत्री; राजनाथ यांना संरक्षण तर, सीतारामन अर्थमंत्रिपदी

नरेंद्र मोदी यांच्या नव्या मंत्रिमंडळाचे खातेवाटप जाहीर झाले असून गुजरातच्या गांधीनगरमधून निवडणूक जिंकून प्रथमच लोकसभेत निवडून आलेले भाजपचे राष्ट्रीय अध्यक्ष व मोदींचे विश्वासू सहकारी अमित शहायांच्याकडं गृहखात्याचा कार्यभार सोपवण्यात आला आहे. मागील सरकारमध्ये गृहमंत्री असलेल्या राजनाथ सिंह यांची संरक्षणमंत्रिपदी  वर्णी लागली असून निर्मला सीतारामन यांना अर्थ खात्याची जबाबदारी देण्यात आली आहे. भाजपचे ज्येष्ठ नेते नितीन गडकरी, पीयूष गोयल यांच्याकडील जबाबदाऱ्या ‘जैसे थे’ ठेवण्यात आल्या आहेत. राज्यमंत्री रामदास आठवले यांना पुन्हा सामाजिक न्याय व सबलीकरण आणि रावसाहेब दानवे यांना ग्राहक संरक्षण, नागरी पुरवठा हे खाते देण्यात आले आहे.शिवसेनेकडेही पुन्हा अवजड उद्योग हे खाते नवीन मंत्री अरविंद सावंत यांना देण्यात  आले आहे.

मागील सरकारमध्ये अर्थ, परराष्ट्र, नागरी उड्डाण अशा महत्त्वाच्या खात्यांची जबाबदारी सांभाळणारे अरुण जेटली, सुषमा स्वराज व सुरेश प्रभू यांना वेगवेगळ्या कारणांमुळं नव्या मंत्रिमंडळात स्थान देण्यात आलेले नाही. त्यामुळं त्यांच्याकडील महत्त्वाची खाती कोणाकडे जाणार याबद्दल उत्सुकता होती. त्यात अमित शहा यांनाही मंत्रिपदाची शपथ दिली गेल्यानं या उत्सुकतेत अधिकच भर पडली. या साऱ्या पार्श्वभूमीवर अपेक्षेप्रमाणे मोदी यांनी काही खात्यांमध्ये बदल केले आहेत.

कॅबिनेट मंत्री 

पंतप्रधान – नरेंद्र मोदी
संरक्षण – राजनाथ सिंह
गृह – अमित शहा
केंद्रीय भूपृष्ठ व परिवहन – नितीन गडकरी
अर्थ व कंपनी व्यवहार – निर्मला सीतारामन
परराष्ट्र – सुब्रमण्यम जयशंकर
महिला-बालकल्याण – स्मृती इराणी
रेल्वे, वाणिज्य व उद्योग – पीयूष गोयल
आरोग्य, विज्ञान-तंत्रज्ञान – डॉ. हर्षवर्धन
पेट्रोलियम, पोलाद – धर्मेंद्र प्रधान
मनुष्यबळ विकास – रमेश पोखरियाल निशंक
माहिती व प्रसारण, वन आणि पर्यावरण, – प्रकाश जावडेकर
सामाजिक न्याय व सबलीकरण – थावरचंद गेहलोत
कृषि, ग्रामविकास व पंचायतराज – नरेंद्रसिंह तोमर
खते व रसायन – सदानंद गौडा
संसदीय कामकाज व खाण – प्रल्हाद जोशी
अन्न व नागरी पुरवठा, ग्राहक संरक्षण – रामविलास पासवान
कायदा व न्याय, दळणवळण, माहिती-तंत्रज्ञान – रवीशंकर प्रसाद
आदिवासी विकास – अर्जुन मुंडा
अल्पसंख्याक – मुख्तार अब्बास नक्वी
कौशल्य विकास – महेंद्र नाथ पांडे
अन्न प्रक्रिया उद्योग – हरसिमरत कौर बादल
अवजड उद्योग – अरविंद सावंत
पशूपालन, दूग्धविकास, मत्स्यपालन – गिरीराज सिंह
जलसंपदा – गजेंद्रसिंह शेखावत

राज्यमंत्री – स्वतंत्र प्रभार

श्रम व रोजगार – संतोषकुमार गंगवार
सांख्यिकी व कार्यक्रम अंमलबजावणी – राव इंद्रजीत सिंह
आयुष व संरक्षण – श्रीपाद नाईक
पीएमओ, अणुऊर्जा – डॉ. जीतेंद्र सिंह
युवा, क्रीडा, अल्पसंख्याक – किरेन रिजीजू
सांस्कृतिक, पर्यटन – प्रल्हादसिंह पटेल
ऊर्जा मंत्री, कौशल्यविकास – राजकुमार सिंह
नागरी उड्डाण, वाणिज्य, गृहनिर्माण व नगरविकास – हरदीपसिंह पुरी
जहाजबांधणी, खते व रसायन – मनसुखलाल मांडवीय

राज्यमंत्री

पोलाद उद्योग – फग्गनसिंह कुलस्ते
आरोग्य व कुटुंबकल्याण – अश्विनीकुमार चौबे
संसदीय कामकाज, अवजड उद्योग – अर्जुनराम मेघवाल
रस्ते, परिवहन, महामार्ग – व्ही. के. सिंह
सामाजिक न्याय व सबलीकरण – किशनपाल
ग्राहक संरक्षण, अन्न व नागरी पुरवठा – रावसाहेब दानवे
गृह – जी. किशन रेड्डी
कृषी – पुरुषोत्तम रुपाला
सामाजिक न्याय व सबलीकरण – रामदास आठवले
ग्रामीण विकास – साध्वी निरंजना ज्योती
वन व पर्यावरण – बाबुल सुप्रियो
पशूपालन, दूग्धविकास, मत्सपालन – डॉ. संजीवकुमार बालियान
मनुष्यबळविकास, दळणवळण, माहिती व तंत्रज्ञान – संजय धोत्रे
अर्थ, कंपनी व्यवहार – अनुराग ठाकूर
रेल्वे – सुरेश अंगडी
गृह – नित्यानंद राय
जलसंपदा, सामाजिक न्याय – रतनलाल कटारिया
परराष्ट्र, संसदीय कामकाज – व्ही. मुरलीधरन
आदिवासी विकास – रेणुकासिंह सरुता
वाणिज्य व उद्योग – सोमप्रकाश
अन्न प्रक्रिया उद्योग – रामेश्वर तेली
सूक्ष्म, लघु, मध्यम उद्योग, पशूपालन – प्रतापचंद्र सारंगी
कृषी – कैलाश चौधरी
महिला व बालकल्याण – देवाश्री चौधरी