West Bengal : विजयी मिरवणूका काढण्यास ममतांची बंदी

भाजपवर प. बंगालमध्ये हिंसा भडकवण्याचा आरोप करत मुख्यमंत्री ममता बॅनर्जी यांनी गुरुवारी जाहीर केले की आता भाजपच्या एकाही विजयी मिरवणुकीला परवानगी देण्यात येणार नाही. याचं उल्लंघन करणाऱ्यांवर कठोर कारवाई करण्याचे निर्देश ममतांनी पोलिसांना दिले आहेत. नॉर्थ २४ परगणा जिल्ह्यातील निमता येथे तृणमूल काँग्रेसचे नेते निर्मल कुंडू यांची हत्या झाली. त्यांच्या घरी पोहोचलेल्या ममतांनी सांगितले की, ‘मला सूचना मिळाली आहे की भाजपने विजयी मिरवणुकांच्या नावे हुगली, बांकुरा, पुरुलिया आणि मिदनापूर जिल्ह्यांमध्ये गोंधळ घातला. आता अशी एकही विजय मिरवणूक निघणार नाही.’
लोकसभा निवडणुकांचे निकाल लागून दहापेक्षा अधिक दिवस झाले आहेत, त्यामुळे आता कुठली विजयी मिरवणूक निघायला नको, असे ममता म्हणाल्या.