चर्चेतली बातमी : पतंजली कोरोनील : उघड झाली हि धक्कादायक दिव्य माहिती ….
योगगुरू रामदेव यांच्या पतंजलीने लाँच केलेल्या बहुचर्चितकोरोनिल औषधाबाबत आता अनेक प्रश्न उपस्थित झाले. रामदेब बाबांनी हे औषध कोरोनावर 100 टक्के प्रभावी असल्याचा दावा केला. आता राजस्थानमधील ज्या नॅशनल इन्स्टिट्युट ऑफ मेडिकल सायन्सेज अँड रिसर्चेस (NIMS) मध्ये या औषधाचं ट्रायल घेण्यात आलं. तिथल्या डॉक्टरांनी एक महत्त्वाची माहिती दिली आहे.विशेष म्हणजे या औषधाचे ट्रायल सरकारची परवानगी न घेताच करण्यात आल्याचे वृत्त आहे.
इंडियन एक्स्प्रेसमध्ये प्रकाशित रिपोर्टनुसार, या आयुर्वेदिक औषधाच्या ट्रायलवेळी अॅलोपेथिक औषधही देण्यात आलं होतं. शिवाय या ट्रायलचा अंतिम रिपोर्ट येणं बाकी आहे, असंही निम्स रुग्णालच्या डॉक्टरांनी सांगितलं. या औषधाचं ट्रायल सौम्य लक्षणं असलेल्या आणि लक्षण नसलेल्या कोरोना रुग्णांवरच करण्यात आलं. मात्र जशी या रुग्णांमध्ये लक्षणं दिसून आली तेव्हा त्यांना अॅलोपेथिक औषधं देण्यात आली, अशी माहिती निम्स जयपूरचे चीफ इन्व्हेस्टिगेटर डॉ. गनपत यांनी दिली. या ट्रायलमध्ये गंभीर कोरोना रुग्णांचा समावेश नव्हता.
ट्रायलबाबत माहिती देताना डॉ. गणपत यांनी सांगितलं, हे एक डबल ब्लाइंड रँडमाइज्ड ट्रायल होते . 50 रुग्णांना प्लेसेबो आणि 50 रुग्णांना आयुर्वेदिक औषध देण्यात आलं. पहिल्या, तिसऱ्या आणि सातव्या दिवशी आरटी-पीसीआर टेस्ट केली. त्यावेळी 69% रुग्णांचा टेस्ट तिसऱ्या दिवशी नेगेटिव्ह आला. प्लेसेबो ग्रुपमधील फक्त 50% टेस्ट नेगेटिव्ह होते. सातव्या दिवशी करण्यात आलेल्या टेस्टमध्ये आयुर्वेदिक औषधांच्या ग्रुपमधील सर्व रुग्णांच्या टेस्ट नेगेटिव्ह आल्या. तर प्लेसेबो गटातील 65% रुग्ण होते. म्हणजे 35 टक्के रुग्णांवर अजूनही उपचार सुरू आहेत. 100 रुग्णांवर करण्यात आलेल्या ट्रायलचा हा सुरुवातीचा रिपोर्ट होता. अंतिम रिपोर्ट 15 ते 25 दिवसांत येईल. त्यानंतर तो मूल्यांकनासाठी पाठवला जाईल, असं ते म्हणाले.
राजस्थान युनिव्हर्सिटी ऑफ हेल्थ साइन्सेजचे मेडिकल हेल्थ ऑफिसर नरोत्तम शर्मा यांनी सांगितलं, निम्स रुग्णालयात लक्षणं नसलेल्याच कोरोना रुग्णांना दाखल करण्यात आलं आहे. त्यामुळे 100% कोरोना रुग्णांवर उपचार झाले हे सांगणं योग्य नाही. तर राजस्थानचे आरोग्यमंत्री रघु शर्मा यांनी सांगितलं, क्लिनिकल ट्रायल सरकारची परवानगी न घेताच करण्यात आले. क्लिनिकल ट्रायलबाबत स्पष्ट गाइडलाइन्स आहेत.