Welcome to   Click to listen highlighted text! Welcome to

WorldNewsUpdate : अलकायदाचा प्रमुख अयमान अल-जवाहिरी ठार

Spread the love

वॉशिंग्टन : अमेरिकेने अल-कायदा प्रमुख अयमान अल-जवाहिरीला ठार केले असल्याचे वृत्त आहे, अमेरिकन मीडिया आउटलेटनुसार, व्हाईट हाऊस आणि राष्ट्राध्यक्ष जो बिडेन यांनी सोमवारी सांगितले की, अमेरिकेने काबूलमध्ये केलेल्या हवाई हल्ल्यात अल-कायदाचा नेता अयमान अल-जवाहिरी मारला गेला.

अल-कायदा प्रमुख अयमान अल-जवाहिरी हा इजिप्शियन सर्जन होता जो नंतर जगातील सर्वात वाँटेड दहशतवाद्यांपैकी एक बनला. ११ सप्टेंबर २००१ रोजी युनायटेड स्टेट्स ऑफ अमेरिकेवर झालेल्या हल्ल्याचा मास्टरमाईंड म्हणूनही त्याची गणना करण्यात आली होती. त्या दहशतवादी घटनेत सुमारे ३ हजार लोकांचा मृत्यू झाला होता.

जवाहिरीवर अमेरिकेने २५ दशलक्ष डॉलर्सचे इनाम ठेवले होते. २०११ मध्ये पाकिस्तानमध्ये ओसामा बिन लादेनच्या खात्मानंतर तो अल-कायदा पाहत असे. न्यूयॉर्क टाइम्स, द वॉशिंग्टन पोस्ट आणि सीएनएन यांनी अज्ञात स्त्रोतांचा हवाला देऊन त्यांच्या मृत्यूची पुष्टी केली आहे. ३१ ऑगस्ट २०२१ रोजी अमेरिकन सैन्याने देशातून माघार घेतल्यापासून अफगाणिस्तानमधील अल-कायदावरील अमेरिकेचा हा पहिला ड्रोन हल्ला आहे.

Leave a Reply

आपलं सरकार

Click to listen highlighted text!