MharashtraPoliticalUpdate : शनिवारी बहूमत चाचणीचे आदेश , मुख्यमंत्री एकनाथ शिंदे मध्य रात्रीच गोव्याकडे …
मुंबई : राज्यातील राजकीय स्थित्यंतरानंतर एकनाथ शिंदे यांनी मुख्यमंत्रीपदाची तर, देवेंद्र फडणवीस यांनी उपमुख्यमंत्रीपदाची शपथ घेतली. मात्र, यानंतर आता राज्यपाल भगत सिंह कोश्यारी यांनी नव्या सरकारला आपले बहुमत सिद्ध करण्याचे आदेश देण्यात आले आहेत. याच पार्श्वभूमीवर शनिवार, २ जुलै रोजी विधिमंडळाचे विशेष अधिवेशन बोलावले आहे. आता नव्या सरकारला बहुमत चाचणीला सामोरे जावे लागणार आहे.
मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी शपथविधी सोहळा पार पडल्यानंतर मंत्रालयात माँ जिजाऊ, छत्रपती शिवाजी महाराज , डॉ , बाबासाहेब आंबेडकर यांच्या प्रतिमांना वंदन करून प्रवेश केला. यावेळी त्यांनी अधिकाऱ्यांची भेट घेऊन त्यांच्याशी चर्चा केली. यावेळी झालेल्या बैठकीत त्यांनी दि . २ व ३ जुलै रोजी राज्य विधिमंडळाचे अधिवेशन घेण्याचा निर्णय घेतला. या अधिवेशनाच्या पहिल्याच दिवशी विधानसभा अध्यक्षांची निवड करण्यात येणार आहे.
मंत्रिमंडळ बैठकीत दि. २ व ३ जुलै रोजी राज्य विधिमंडळाचे विशेष अधिवेशन घेण्याचा निर्णय झाला. अधिवेशनात पहिल्याच दिवशी विधानसभा अध्यक्षपदाची निवडणूक होणार आहे. pic.twitter.com/pHpiGK1elz
— MAHARASHTRA DGIPR (@MahaDGIPR) June 30, 2022
मुख्यमंत्रीपद घेऊन शिंदे गोव्याकडे परतले …
दरम्यान आपल्या मुंबई दौऱ्यात मुख्यमंत्रीपदाची शपथ घेऊन एकनाथ शिंदे मध्यरात्रीच गोव्याकडे रवाना झाले. शिंदे गटाचे आमदार गोव्यातील हॉटेलमध्ये थांबलेले आहेत. त्यांच्याशी विचार विनिमय करून शिंदे काल सकाळी एकटेच मुंबईत आले होते. पण जाताना आपण मुख्यमंत्रीपद सोबत घेऊन जाऊ असा विचारही त्यांनी केला नव्हता असे म्हटले जात आहे. आता शिंदे यांच्या गटाला २ आणि ३ जुलैला शिंदे सरकारला बहुमत सिद्ध करायचे आहे. सध्याचे त्यांचे संख्याबळ पाहता भाजपाचे १३०, शिंदे गटाचे ५० असे त्यांचे संख्याबळ आहे . आता उरलेले शिवसेनेतील १६ आमदार काय करतील हे मात्र अद्याप उघड झालेले नाही. शिंदे यांनी मुख्यमंत्री पदाची शपथ घेताच गोव्यात थांबलेल्या आमदारांनी जल्लोष केला. यानंतर शिंदे आणि नंतर फडणवीसांनी या आमदारांशी संवाद साधला. आता हे आमदार मुंबईत येण्याच्या तयारीला लागले आहेत. या आमदारांना केंद्राची सुरक्षा देण्यात आली असून महाराष्ट्राचे पोलिसही बंदोबस्तात राहणार आहेत.
शिंदे – फडणवीस यांच्यावर शुभेच्छांचा वर्षाव …
पंतप्रधान नरेंद्र मोदी आणि गृहमंत्री अमित शहा यांनी मुख्यमंत्री एकनाथ शिंदे आणू उपमुख्यमंत्री देवेंद्र फडणवीस यांना मराठीतून ट्विटरवर शुभेच्छा दिल्या आहेत तर फणवीस यांनी या दोधांचेही आभार मानले आहेत.
महाराष्ट्राच्या मुख्यमंत्रीपदाची शपथ घेतल्याबद्दल मी @mieknathshinde जी यांचे अभिनंदन करतो. तळागाळातील नेता असलेल्या शिंदेंकडे समृद्ध राजकीय, विधिमंडळविषयक आणि प्रशासकीय अनुभव आहे. महाराष्ट्राला मोठ्या उंचीवर नेण्याचे कार्य ते करतील असा विश्वास मला वाटतो.
— Narendra Modi (@narendramodi) June 30, 2022
प्रारंभी देवेंद्र फडणवीस उपमुख्यमंत्रीपद घेण्यासाठी तयार नव्हते. मात्र, खुद्द पंतप्रधान नरेंद्र मोदी यांनी देवेंद्र फडणवीस यांना एक नाही, तर दोनवेळा फोन करून उपमुख्यमंत्रीपद स्वीकारण्यासाठी आग्रह केला. अखेर पक्षादेश मान्य करून देवेंद्र फडणवीस यांनी राज्याचे उपमुख्यमंत्री म्हणून शपथ घेतली. पंतप्रधान नरेंद्र मोदी यांनी ट्विट करून देवेंद्र फडणवीस यांना धन्यवाद दिले आहेत. तसेच शुभेच्छाही दिल्या आहेत.
महाराष्ट्राचे उपमुख्यमंत्री म्हणून शपथ घेतल्याबद्दल मी @Dev_Fadnavis यांचे अभिनंदन करतो. भाजपाच्या प्रत्येक कार्यकर्त्यासाठी ते प्रेरणादायी आहेत. त्यांचा अनुभव आणि विद्वत्ता ही सरकारसाठी मोठी संपदा आहे. महाराष्ट्राच्या विकास यात्रेला ते अधिक बळकटी देतील याची मला खात्री आहे.
— Narendra Modi (@narendramodi) June 30, 2022
मुख्यमंत्र्यांची पहिली प्रतिक्रिया …
दरम्यान, मुख्यमंत्रीपदाची शपथ घेतल्यावर, हा बाळासाहेबांच्या विराचारांचा आणि धर्मवीर आनंद दिघे यांच्या शिकवणीचा विजय असल्याचे एकनाथ शिंदे म्हणाले. राज्याचा विकास, सर्व घटकांना न्याय देण्याचे काम केले जाईल. सर्वांना सोबत, विश्वासात घेऊन काम केले जाईल. उपमुख्यमंत्री म्हणून देवेंद्र फडणवीसही सोबत आहेत. सर्वांच्या साथीनं विकासाचा गाडा पुढे नेण्याचे काम आम्ही करू, असेही ते म्हणाले. राज्याला पुढे नेण्यासाठी, विकासाठी कायम प्रयत्न करणार असल्याचंही त्यांनी स्पष्ट केलं.
Maharashtra CM Eknath Shinde and Deputy CM Devendra Fadnavis hold the first cabinet meet of the state's new Government, in Mumbai. pic.twitter.com/3CjCQproy7
— ANI (@ANI) June 30, 2022
उद्धव ठाकरे यांची अनुपस्थिती , ट्विटरवरून दिल्या शुभेच्छा
उद्धव ठाकरेंना शपथविधीसाठी निमंत्रण देण्यात आले होते. परंतु ते एकनाथ शिंदेंच्या शपथविधीला गेले नव्हते. दरम्यान महाविकास आघाडीच्या शपथविधीला तत्कालीन मावळते मुख्यमंत्री देवेंद्र फडणवीस यांनी मात्र हजेरी लावली होती. परंतु उद्धव ठाकरेंनी ट्विट करूनच शिंदे आणि फडणवीस यांना शुभेच्छा दिल्या आहेत. आपल्या ट्विटमध्ये त्यांनी म्हटले आहे कि , “महाराष्ट्र राज्याचे नवनियुक्त मुख्यमंत्री एकनाथ शिंदे व उपमुख्यमंत्री देवेंद्र फडणवीस यांना भावी वाटचालीस शुभेच्छा. आपल्या हातून महाराष्ट्रामध्ये चांगले काम होवो, ही सदिच्छा!”. याशिवाय उपमुख्यमंत्री अजित पवार , काँग्रेसचे बाळासाहेब थोरात , खा. सुप्रिया सुळे यांनीही आपल्या शुभेच्छा दिल्या आहेत.
महाराष्ट्र राज्याचे नवनियुक्त मुख्यमंत्री @mieknathshinde जी व उपमुख्यमंत्री @Dev_Fadnavis जी यांना भावी वाटचालीस शुभेच्छा. आपल्या हातून महाराष्ट्रामध्ये चांगले काम होवो, ही सदिच्छा!
— Office of Uddhav Thackeray (@OfficeofUT) June 30, 2022
महाराष्ट्राच्या मुख्यमंत्री पदी विराजमान झालेले मा. @mieknathshinde जी आणि उपमुख्यमंत्री पद भूषवणारे @Dev_Fadnavis जी यांचं मनःपूर्वक अभिनंदन! हे नवीन सरकार राज्यातील जनतेच्या हिताचे निर्णय घेण्यासहित राज्याच्या विकासाचा गाडा देखील वेगानं पुढे हाकतील, अशा सदिच्छा व्यक्त करतो.
— Ajit Pawar (@AjitPawarSpeaks) June 30, 2022
यांच्याही ट्विटरवरून शुभेच्छा …
दरम्यान केंद्रीय गृहमंत्री अमित शहा आणि भाजपचे राष्ट्रीय अध्यक्ष जेपी नड्डा, उत्तर प्रदेशचे मुख्यमंत्री योगी आदित्यनाथ, केंद्रीय मंत्री नितीन गडकरी , राज्यमंत्री रामदास आठवले यांनीही आपल्या शुंभेच्छा दिल्या आहेत.
श्री @mieknathshinde जी यांना महाराष्ट्राचे मुख्यमंत्री व श्री @Dev_Fadnavis जी यांना उप-मुख्यमंत्री पदाची शपथ घेतल्याबद्दल हार्दिक शुभेच्छा.
मला पूर्ण विश्वास आहे की पीएम @narendramodi जी यांच्या मार्गदर्शनात हे नवे सरकार महाराष्ट्राचा विकास व जनहितासाठी समर्पित होऊन कार्य करेल.— Amit Shah (@AmitShah) June 30, 2022
भाजपा ने महाराष्ट्र की जनता की भलाई के लिए बड़े मन का परिचय देते हुए एकनाथ शिंदे जी का समर्थन करने का निर्णय किया। श्री देवेन्द्र फडणवीस जी ने भी बड़े मन दिखाते हुए मंत्रिमंडल में शामिल होने का निर्णय किया है, जो महाराष्ट्र की जनता के प्रति उनके लगाव को दर्शाता है।
— Jagat Prakash Nadda (@JPNadda) June 30, 2022
श्री @Dev_Fadnavis जी को महाराष्ट्र के उप मुख्यमंत्री पद की शपथ लेने की हार्दिक बधाई।
मुझे पूर्ण विश्वास है कि आपके लोक-कल्याणकारी प्रयासों से राज्य सुशासन के सुपथ पर चलकर विकास के नए प्रतिमान स्थापित करेगा।
आपके उज्ज्वल कार्यकाल हेतु मंगलकामनाएं!
— Yogi Adityanath (@myogiadityanath) June 30, 2022
नवनिर्वाचित मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचे मनःपूर्वक अभिनंदन!
— Dr.Ramdas Athawale (@RamdasAthawale) June 30, 2022
एकनाथ खडसे यांच्या अशाही शुभेच्छा …
दरम्यान एकनाथ खडसे यांनीही नव्या सरकारला शुभेच्छा देताना म्हटले आहे कि , देवेंद्र फडणवीस हे आपल्या ज्युनिअर मंत्र्याच्या हाताखाली उपमुख्यमंत्री म्हणून काम करतील असे स्वप्नातही वाटले नव्हते. एकनाथ शिंदे हे मुख्यमंत्री आणि देवेंद्र फडणवीस उपमुख्यमंत्री झाल्याने दोघांना माझ्या शुभेच्छा. मागच्या सरकारपेक्षा अधिक चांगले काम त्यांनी या ठिकाणी करावे. आणि महाराष्ट्रातील जनतेच्या अपेक्षांची पूर्तता यांनी करावी. घडलेले नाट्य हे अनअपेक्षित आहे. देवेंद्र फडणवीस यांना मुख्यमंत्री होण्याची खूप मोठी अपेक्षा पूर्ण झाले नाही, परिस्थितीनुसार त्यांनी स्वीकारले, असे एकनाथ खडसे म्हणाले.
महाराष्ट्राच्या मुख्यमंत्री पदी विराजमान झालेले मा. @mieknathshinde जी आणि उपमुख्यमंत्री पद भूषवणारे @Dev_Fadnavis जी यांचं मनःपूर्वक अभिनंदन! हे नवीन सरकार राज्यातील जनतेच्या हिताचे निर्णय घेण्यासहित राज्याच्या विकासाचा गाडा देखील वेगानं पुढे हाकतील, अशा सदिच्छा व्यक्त करतो.
— Ajit Pawar (@AjitPawarSpeaks) June 30, 2022
प्रकाश आंबेडकर यांची प्रतिक्रिया…
वंचित बहुजन आघाडीचे प्रमुख प्रकाश आंबेडकर यांनी ट्विटरवरून देवेंद्र फडणवीस यांच्या शपथविधीवर आपली प्रतिक्रिया देताना म्हटले आहे कि , बिचारे देवेंद्र फडणवीस यांचा केंद्रातील नेतृत्वाने शंकरराव चव्हाण केला. तर केंद्रीय सामाजिक न्याय राज्यमंत्री रामदास आठवले यांनी एकनाथ शिंदे यांच्या नव्या मंत्रिमंडळात भाजप मित्र पक्ष म्हणून रिपाइंला स्थान द्यावे अशी मागणी ट्विटद्वारे केली आहे.
बिचारे देवेंद्र फडणवीस @Dev_Fadnavis यांचा केंद्रातील नेतृत्वाने शंकरराव चव्हाण केला !#Maharashtra
— Prakash Ambedkar (@Prksh_Ambedkar) June 30, 2022
नवे मनोनीत मुख्यमंत्री एकनाथ शिंदे यांच्या मंत्रिमंडळात भाजप मित्र पक्ष म्हणून रिपब्लिकन पार्टी ऑफ इंडिया ( आठवले ) या पक्षाला स्थान द्यावे या आमच्या मागणीचा विचार व्हावा.@Dev_Fadnavis @mieknathshinde
— Dr.Ramdas Athawale (@RamdasAthawale) June 30, 2022
राज ठाकरे यांच्या सावधपणे पावले टाकण्याच्या शुभेच्छा
— Raj Thackeray (@RajThackeray) June 30, 2022
संभाजी छत्रपती यांनीही नूतन उपमुख्यमंत्री देवेंद्र फडणवीस यांचे अभिनंदन केले असून राज्याला विकासाच्या प्रगतीपथावर नेण्यासह मराठा समाजाचे सर्व प्रलंबित प्रश्न मार्गी लावलं अशी अपेक्षा व्यक्त केली आहे.
महाराष्ट्राचे नूतन उपमुख्यमंत्री श्री @dev_fadnavis यांचे मन:पूर्वक अभिनंदन !
राज्याला विकासाच्या प्रगतीपथावर नेण्यासह मराठा समाजाचे सर्व प्रलंबित प्रश्न आपण मार्गी लावाल, ही अपेक्षा !
— Sambhaji Chhatrapati (@YuvrajSambhaji) June 30, 2022
दरम्यान आपल्या ट्विटमुळे आणि धडाकेबाज वक्तव्यामुळे प्रसिद्ध असलेले शिवसेनेचे नेते खा, संजय राऊत यांनी उपमुख्यमंत्री देवेंद्र फडणवीस यांच्यावर ट्विटरवरून बोचरी टीका करताना म्हटले आहे कि , आम्ही तर दुःखी होतो , परंतु देवेन्द्र भाऊ आमच्यापेक्षा अधिक दुःखी आहेत.
हम तो दुखी थे, लेकिन यहां हमसे ज्यादा दुखी देवेंद्र भाऊ है।
— Sanjay Raut ᴾᵃʳᵒᵈʸ © (@Rautparody61) June 30, 2022