IndiaPoliticalNewsUpdate : राज्यसभेत १०० चा टप्पा गाठण्याची भाजपची बिकट वाट…
नवी दिल्ली: या वर्षी एप्रिलमध्ये संसदेच्या वरिष्ठ सभागृहात १०० चा आकडा गाठलेल्या भारतीय जनता पक्षाच्या (भाजप) सदस्यांची संख्या, शुक्रवारी झालेल्या राज्यसभेच्या ५७ जागांच्या निवडणुकीनंतर ९५ वरून ९१ वर आली आहे. राज्यसभेच्या अधिकृत वेबसाइटनुसार, भाजपकडे सध्या वरिष्ठ सभागृहाच्या एकूण २३२ सदस्यांपैकी ५७ सदस्य निवृत्त होत असून भाजपाची सदस्य संख्या ९५ इतकी झाली आहे. निवृत्त होणाऱ्या सदस्यांमध्ये भाजपच्या २६ सदस्यांचा समावेश असून या द्वैवार्षिक निवडणुकीत केवळ २२ सदस्य विजयी झाले आहेत. त्यामुळे भाजपचे ९१ सदस्य आता राज्यसभेत असतील.
१०० चा टप्पा गाठण्याची वाट पाहत आहे भाजप …
ताज्या आकडेवारीनुसार भाजपच्या चार जागा कमी झाल्या आहेत. दरम्यान निवडून आलेल्या सदस्यांनी शपथ घेतल्यानंतर भाजपची सदस्य संख्या ९५ वरून ९१ वर येईल. म्हणजेच पुन्हा १०० चा आकडा गाठण्यासाठी भाजपला आणखी प्रतीक्षा करावी लागणार आहे. सात नामनिर्देशित सदस्यांसह राज्यसभेत अजूनही १३ पदे रिक्त आहेत. नामनिर्देशित सदस्यांच्या नियुक्तीनंतर आणि रिक्त जागा भरल्यानंतर, भाजप सदस्यांची संख्या १०० च्या जवळपास पोहोचू शकते.
गेल्या एप्रिलमध्ये झालेल्या राज्यसभा निवडणुकीत आसाम, त्रिपुरा आणि नागालँडमध्ये प्रत्येकी एक जागा जिंकल्यानंतर, भाजपने इतिहासात प्रथमच वरच्या सभागृहात 100 चा आकडा गाठला. पंतप्रधान नरेंद्र मोदी आणि भाजप अध्यक्ष जेपी नड्डा यांच्यासह पक्षाच्या अनेक नेत्यांनी ही भाजपची मोठी उपलब्धी असल्याचे म्हटले होते.
उत्तर प्रदेश, तामिळनाडू, बिहार, आंध्र प्रदेश, मध्य प्रदेश, ओडिशा, छत्तीसगड, पंजाब, तेलंगणा, झारखंड आणि उत्तराखंडमधील सर्व ४१ उमेदवार गेल्या शुक्रवारी राज्यसभेच्या ५७ जागांसाठी द्विवार्षिक निवडणुका जाहीर झाल्यानंतर भाजपचे १४ उमेदवार बिनविरोध निवडून आले. उत्तर प्रदेशात भाजपला तीन जागा मिळाल्या. तेथून त्यांचे पाच सदस्य निवृत्त झाले होते, तर आठ सदस्य निवडून आले आहेत. भाजपला बिहार आणि मध्य प्रदेशात प्रत्येकी दोन आणि उत्तराखंड आणि झारखंडमध्ये प्रत्येकी एक जागा मिळाली.
जिंकण्याची शक्यता खूपच कमी होती
दरम्यान हरियाणा, राजस्थान, महाराष्ट्र आणि कर्नाटकमधील १६ जागांसाठी शुक्रवारी निवडणूक झाली. त्यापैकी महाराष्ट्र आणि कर्नाटकात प्रत्येकी तीन आणि हरियाणा आणि राजस्थानमध्ये प्रत्येकी एक जागा जिंकण्यात भाजपला यश आले. भाजपच्या उत्तम निवडणूक व्यवस्थापनामुळे, पक्षाचे दोन उमेदवार आणि त्याचा पाठिंबा असलेला एक अपक्ष उमेदवार कर्नाटक, महाराष्ट्र आणि हरियाणामध्ये विजयी झाला, जेंव्हा कि , त्यांच्या विजयाची शक्यता कमी होती.
अशा प्रकारे या चार राज्यांत भाजपला एकूण आठ जागा मिळाल्या. अशा प्रकारे एकूण ५७ जागांपैकी २२ जागा त्यांच्या उमेदवारांनी जिंकल्या. हरियाणात स्वतंत्र निवडणूक जिंकलेल्या कार्तिकेय शर्माला भाजप आणि त्याचा मित्र जननायक जनता पक्षाने पाठिंबा दिला होता. राजस्थानमध्ये भाजपने अपक्ष उमेदवार सुभाष चंद्रा यांना पाठिंबा दिला होता, मात्र त्यांचा पराभव झाला.