RussiaUkraineWarUpdate : आण्विक प्रतिबंधक दलांना सतर्क राहण्याचे व्लादिमीर पुतिन यांचे आदेश
नवी दिल्ली : रशियाचे राष्ट्राध्यक्ष व्लादिमीर पुतिन यांनी युक्रेनवरून पाश्चात्य देशांसोबत सुरू असलेल्या तणावाच्या पार्श्वभूमीवर रशियाच्या आण्विक प्रतिबंधक दलांना सतर्क राहण्याचे आदेश दिले आहेत. दरम्यान, बेलारूस सीमेवर युक्रेनने रशियाशी चर्चा करण्यास सहमती दर्शवली आहे. याआधी, बेलारूसमध्ये चर्चा करण्याची रशियन ऑफर युक्रेनने नाकारल्याने रशिया-युक्रेन संकटावर तोडगा काढण्यात पुन्हा अडथळे आले होते.
या प्रस्तावास मान्यता देण्याआधी युक्रेनचे राष्ट्राध्यक्ष झेलेन्स्की म्हणाले होते की, आमच्या देशावर जिथून हल्ला झाला, तेथे आम्ही बोलू शकत नाही. यापूर्वी क्रेमलिनने बेलारूसमध्ये युक्रेनशी चर्चा करण्याचे मान्य केले होते. रशियाच्या संरक्षण विभागातील अनेक अधिकारी, परराष्ट्र मंत्रालये आणि मंत्री, राष्ट्रपती प्रशासनातील अनेक अधिकाऱ्यांसह, चर्चेसाठी बेलारशियन शहर होमल येथे पोहोचले होते. बेलारूसला पोहोचलेल्या रशियन टीमने सांगितले की, आम्ही चर्चेसाठी तयार आहोत आणि आम्ही युक्रेनच्या शिष्टमंडळाची वाट पाहत आहोत. दुसरीकडे, रशियन सैन्याने युक्रेनच्या दुसऱ्या मोठ्या शहर खार्किवमध्ये प्रवेश केला असून तेथे युद्ध सुरू आहे. याआधी, कीवमधील रशियन हल्ला उधळून लावण्याच्या युक्रेन सरकारच्या दाव्यानंतर रशियाने लष्कराला राजधानीवर सर्वतोपरी हल्ला करण्याचे आदेश दिले आहेत.
खार्किवमध्ये घुसलेल्या रशियन सैन्याला हुसकावून लावल्याचा दावा
दरम्यान रशियाचे राष्ट्राध्यक्ष व्लादिमीर पुतिन यांनी युक्रेनवर पश्चिमेसोबत सुरू असलेल्या तणावाच्या पार्श्वभूमीवर रशियाच्या आण्विक प्रतिबंधक दलांना सतर्क राहण्याचे आदेश दिले आहेत. तर , बेलारूस सीमेवर युक्रेनने रशियाशी चर्चा करण्यास सहमती दर्शवली आहे. दुसरीकडे, रशियन सैन्याने रविवारी चौथ्या दिवशी युक्रेनच्या अनेक शहरांवर तोफखाना आणि क्रूझ क्षेपणास्त्रे डागली. युक्रेनने मात्र देशातील दुसऱ्या क्रमांकाचे मोठे शहर खार्किवमध्ये घुसलेल्या रशियन सैन्याला हुसकावून लावल्याचा दावा केला आहे.
कीवमध्ये काही काळापूर्वी हवाई हल्ल्याचे सायरन वाजले होते. रशियन सैन्याने युक्रेनमधून युरोपला जाणारी गॅस पाइपलाइन उडवली आहे. याशिवाय रशियाने युक्रेनमधील अनेक तेल आणि वायू केंद्रांवर हल्ले केले आहेत. मात्र, युक्रेनचे राष्ट्राध्यक्ष वोलोडिमिर झेलेन्स्की यांनी राजधानी कीव युक्रेनच्या ताब्यातच असल्याचे म्हटले आहे. रशियन सैन्याकडून हवाई हल्ल्याची शक्यता लक्षात घेता राजधानी कीवमध्ये कर्फ्यू कडक करण्यात आला आहे.
रशियन सैन्याने युक्रेनियन शहरांना तोफखाना आणि क्रूझ क्षेपणास्त्रांनी वेढले आहे. त्याच्या सैन्याने युक्रेनच्या दुस-या क्रमांकाच्या खार्किव शहरात प्रवेश केला आहे, प्रादेशिक प्रशासनाचे प्रमुख ओलेग सिनेगुबोव्ह यांनी एएफपी वृत्तसंस्थेला सांगितले की युक्रेनियन सैन्याने “शत्रूंचा नायनाट केला आहे.” कीवपासून 30 किमी अंतरावर असलेल्या वासिलकीव्हमधील तेल टर्मिनलवर स्फोट ऐकू आले. या हल्ल्यामुळे ऑइल टर्मिनलला आग लागल्याचे कीव प्रशासनाने म्हटले आहे. त्यातून विषारी धूर निघत असल्याचेही त्यांनी म्हटले आहे.