IndiaNewsUpdate : GATE 2022 परीक्षा 5-6 फेब्रुवारीलाच होणार : सर्वोच्च न्यायालय
नवी दिल्ली : कोणत्याही परिस्थितीत सर्वोच्च न्यायालयाने गेट 2022 परीक्षा पुढे ढकलण्यास नकार दिला आहे. त्यामुळे न्यायालयाच्या आदेशानुसार नियोजित तारखेलाच या परीक्षा होणार आहेत. होईल. अभियांत्रिकी अभ्यासक्रमातील प्रवेशासाठी GATE 2022 हि परीक्षा घेण्यात येते.
सर्वोच्च न्यायालयाने म्हटले आहे की गेट 2022 परीक्षा ४८ तासांनी पुढे ढकलल्याने नोंदणी करणाऱ्या विद्यार्थ्यांची गैरसोय आणि अनिश्चितता निर्माण होईल. त्यामुळे गेटची परीक्षा 5, 6, 12 आणि 13 फेब्रुवारीलाच घेतली जाणार आहे. एक दिवसापूर्वीच विद्यार्थ्यांनी सर्वोच्च न्यायालयात याचिका दाखल करून परीक्षा पुढे ढकलण्याची मागणी केली होती. परीक्षा पुढे ढकलण्याची मागणी करताना याचिकेत कोविड १९ प्रकरणांचा उल्लेख करण्यात आला होता.
दरम्यान याचिकाकर्त्यांचे वकील पल्लव मोंगिया यांनी न्यायालयाला सांगितले की , गेट 2022 च्या परीक्षेत 9 लाख विद्यार्थी बसले आहेत. असे असतानाही न्यायालयाने परीक्षा पुढे ढकलण्यास नकार दिला आहे. गेट 2022 परीक्षा शनिवारपासून 200 केंद्रांवर होणार आहे, परंतु आतापर्यंत परीक्षा प्राधिकरणाकडून कोरोना मार्गदर्शक तत्त्वांशी संबंधित कोणतीही माहिती देण्यात आलेली नाही.
न्यायालयाचा स्पष्ट नकार
गेट 2022 फेब्रुवारी महिन्यात 5, 6, 12 आणि 13 तारखेला होणार आहे. ही परीक्षा पुढे ढकलण्यासाठी मोठ्या संख्येने विद्यार्थ्यांनी सर्वोच्च न्यायालयात धाव घेतली होती. याचिकेत विद्यार्थ्यांनी कोविड-19 चा हवाला देत GATE 2022 परीक्षा पुढे ढकलण्यासाठी न्यायालयात अर्ज केला होता. ही बाब मुलांच्या भवितव्याबाबत होती, त्यामुळे या याचिकेवर लवकरच सुनावणी घेण्याचे सर्वोच्च न्यायालयाने मान्य केले. या याचिकेचा यादीत समावेश करावा, असे सीजेआयने म्हटले होते. GATE 2022 वर सर्वोच्च न्यायालयाचा निर्णय आला आहे, न्यायालयाने GATE 2022 परीक्षा पुढे ढकलण्यास स्पष्ट नकार दिला आहे.
भारतीय तंत्रज्ञान (IIT) खरगपूर यावर्षी GATE परीक्षा आयोजित करत आहे. परीक्षा ऑफलाइन पद्धतीने होईल. या परीक्षेत 9 लाख विद्यार्थी सहभागी होत आहेत. IIT खरगपूरने GATE 2022 साठी प्रवेशपत्र जारी केले आहे. उमेदवार IIT खरगपूरच्या अधिकृत वेबसाइट gate.iitkgp.ac.in वरून त्यांचा ईमेल आयडी आणि पासवर्ड टाकून प्रवेशपत्र डाउनलोड करू शकतात.