AurangabadCrimeUpdate : बिडकीन पोलीस ठाण्याचे एपीआय , एएसआय लाचेच्या सापळ्यात …
औरंगाबाद – बिडकीन हद्दीतून वाळू वाहतूक करण्यासाठी ४लाख ७५हजारांची लाच मागणार्या बिडकीन पोलिस ठाण्याच्या एपीआय आणि एएसआय ला एसीबी ने बेड्या ठोकल्या.
बिडकीन पोलिस ठाण्याचे एपीआय राजेंद्र आनंद बनसोडे(३७) व एएसआय बाबासाहेब दिलवाले अशी अटक आरोपींची नावे आहेत.वरील आरोपींनी फिर्यादिला १७सप्टेंबर रोजी बिडकीन पोलिस ठाण्याच्या हद्दीतून वाळू वाहतूक करण्याची परवानगी देण्यासाठी पावणे पाच लाखांची लाच मागितली.फिर्यादीला हा प्रकार सहन न झाल्यामुळे त्याने एसीबी कडे धाव घेत तक्रार दिली. खबरदारीचा उपाय म्हणून औरंगाबाद एसीबीने जालना येथून पोलिस निरीक्षक ताठे यांच्या मार्गदर्शनाखाली कारवाई पूर्ण केली.