#CoronaVirusUpdates : MaharashtraLatest : जाणून घ्या तुमच्या जिल्ह्यात किती आहेत कोरोनाचे रुग्ण ?
राज्यात आज दिवसभरात करोनाच्या ७७८ नव्या रुग्णांची नोंद झाली असून १४ जणांचा मृत्यू झाला आहे तर करोनाबाधितांची एकूण संख्या ६४२७ झाली आहे. राज्यात आज ज्या १४ रुग्णांचा मृत्यू झाला त्यात मुंबईत ६, पुणे ५, नवी मुंबई, नंदुरबार आणि धुळ्यात प्रत्येकी एक मृत्यू झाला आहे. मत्यूंपैकी आठ पुरूष तर, सहा महिला आहेत. दोघे जण ६० वर्षांवरील आहेत. ४० ते ५९ वयोगटातील ९ जणांचा मृत्यू झाला आहे. तर मृत तीन रुग्ण हे ४० वर्षांखालील आहेत. दिलासादायक बाब म्हणजे राज्यात आतापर्यंत ८४० जण पूर्णपणे बरे झाले असून, त्यांना रुग्णालयातून घरी सोडण्यात आले आहे.
दरम्यान राज्यात आज ५१ रुग्णांना घरी सोडण्यात आले असून, आतापर्यंत राज्यभरात ८४० रुग्ण बरे झाले आहेत. तर एकूण ५३०४ रुग्णांवर उपचार सुरू आहेत, अशी माहिती आरोग्यमंत्री राजेश टोपे यांनी दिली. आजपर्यंत पाठविण्यात आलेल्या ९६ हजार ३६९ नमुन्यांपैकी ८९ हजार ५६१ जणांचे प्रयोगशाळा नमुने करोनाकरता निगेटिव्ह आले आहेत. तर ६४२७ जण पॉझिटिव्ह आले आहेत. सध्या राज्यात १ लाख १४ हजार ३९८ लोक होम क्वारंटाइनमध्ये असून, ८७०२ लोक संस्थात्मक क्वारंटाइनमध्ये आहेत. आज राज्यात १४ करोनाबाधित रुग्णांचा मृत्यू झाला. करोनामुळे राज्यात झालेल्या मृत्यूंची संख्या आता २८३ झाली आहे. आज मृत्यू झालेल्या दोन रुग्णांबाबत इतर आजारांची माहिती अद्याप मिळू शकली नाही. उर्वरित १२ मृत्यूंपैकी ७ रुग्णांमध्ये ( ५८ टक्के) मधुमेह, उच्च रक्तदाब, हृदयरोग अशा स्वरुपाचे अतिजोखमीचे आजार आढळले आहेत.
महाराष्ट्रातील कोरोनाची स्थिती अशी आहे , कंसात मृत्यूचे आकडे….
मुंबई महानगरपालिका: ४२०५ (१६७), ठाणे: ३४ (२), ठाणे मनपा: २१४ (४), नवी मुंबई मनपा: ९७ (४), कल्याण-डोंबिवली मनपा: १२४ (३), उल्हासनगर मनपा: २, भिवंडी निजामपूर मनपा: ८, मीरा-भाईंदर मनपा: ११६ (२), पालघर: २१ (१), वसई-विरार मनपा: १०९ (३), रायगड: १४, पनवेल मनपा: ३६ (१), ठाणे मंडळ एकूण: ४९८० (१८७), नाशिक: ४, नाशिक मनपा: ७, मालेगाव मनपा: १०९ (९), अहमदनगर: २४ (२), अहमदनगर मनपा: ८, धुळे: ४ (१), धुळे मनपा: १३ (१), जळगाव: ६ (१), जळगाव मनपा: २ (१), नंदूरबार: ७ (१), नाशिक मंडळ एकूण: १८४ (१६), पुणे: ४१ (१), पुणे मनपा: ८१२ (५९), पिंपरी चिंचवड मनपा: ५७ (२), सोलापूर: १, सोलापूर मनपा: ३२ (३), सातारा: २० (२), पुणे मंडळ एकूण: ९६३ (६७), कोल्हापूर: ६, कोल्हापूर मनपा: ३, सांगली: २५, सांगली-मिरज कुपवाड मनपा:१ (१), सिंधुदुर्ग: १, रत्नागिरी: ७ (१), कोल्हापूर मंडळ एकूण: ४३ (२), औरंगाबाद: ०, औरंगाबाद मनपा: ४० (५), जालना: ३, हिंगोली: ७, परभणी: ०, परभणी मनपा: १, औरंगाबाद मंडळ एकूण: ५१ (५), लातूर: ८, लातूर मनपा: ०, उस्मानाबाद: ३, बीड: १, नांदेड: ०, नांदेड मनपा: १, लातूर मंडळ एकूण: १३, अकोला: ११ (१), अकोला मनपा: ९, अमरावती: ०, अमरावती मनपा: ७ (१), यवतमाळ: १७, बुलढाणा: २४ (१), वाशिम: १, अकोला मंडळ एकूण: ६९ (३), नागपूर: २, नागपूर मनपा: ९८ (१), वर्धा: ०, भंडारा: ०, गोंदिया: १, चंद्रपूर: ०, चंद्रपूर मनपा: २, गडचिरोली: ०, नागपूर मंडळ एकूण: १०३ (१), इतर राज्ये: २१ (२), एकूण: ६४२७, (२८३)